ޕޯސްޓްމޯޓަމް ހަދަން ޝިއާގެ ހަށިގަނޑު ބޭރަށް ފޮނުވައިފި

މާލޭ ގެއެއްގެ ތެރޭގައި އަނިޔާވެރި ގޮތަކަށް މަރައިލި ޏ.ފުވައްމުލަކު, ކުރި, މަރްޔަމް ޝިއާއު މުޙައްމަދު ސަޢީދުގެ މަރުގެ ސަބަބު ދެނެގަތުމަށް ޕޯސްޓްމޯޓަމް ހަދަން އޭނާގެ ހަށިގަނޑު ރާއްޖެއިން ބޭރަށް ފޮނުވައިފިއެވެ.

Ads by Sosun Fihaara

ހ.ޝީރީންވިލާގެ ނުވަވަނަ ފަންގިފިލާގައި އަނިޔާވެރި ގޮތަކަށް ޝިއާ (22) މަރާލައިފައި އޮއްވާ ފެނުނީ މިދިޔަ ހޮނިހިރ ދުވަހުގެ ރޭގައެވެ.

ޝިއާގެ ހަށިގަނޑު ފުރަތަމަ ގެންދިޔައީ ގަލޮޅު މޯޗަރީއަށެވެ. އެއަށްފަހު މިއަދުގެ ވަގުތެއްގައި ވަނީ ޕޯސްޓްމޯޓަމް ހަދަން އޭނާގެ ހަށިގަނޑު އިންޑިއާއަށް ފޮނުވައިފައެވެ.

ޝިއާގެ މަރުގެ މައްސަލައިގައި މިހާތަނަށް ހައްޔަރުކުރީ އެންމެ މީހެކެވެ. ކުށުގެ ވެށިން ހައްޔަރުކުރީ ރާއްޖޭގެ އެއް ނަންބަރު ސްކޭޓާ ޢަލީ ޝާހިލް (23) އެވެ. އޭނާ ހުރީ ޝަރީޢަތް ނިމެންދެން ބަންދުކޮށްފައެވެ.