ހުޅުމާލޭ ދެވަނަ ފިޔަވަހީގައި އިތުރު ސްކޫލެއް އަޅަނީ
ހުޅުމާލޭ ދެވަނަ ފިޔަވަހީގައި އިތުރު ސްކޫލެއް އަޅަން ނިންމައި އެކަނުގެ މަސައްކަތް ކުރުމަށް ބަޔަކާ ޙަވާލުކޮށްފިއެވެ.
އެޑިއުކޭޝަން މިނިސްޓްރީން ވިދާޅުވީ މި މަސައްކަތް ހަވާލުކުރީ ކޮންޓްރެކްޓަރ ފައިނޭންސިންގ ގެ އުސޫލުން ޑިޒައިން އެންޑް ބިލްޑް ޕްރޮޖެކްޓްއެއްގެ ގޮތުގައިކަމަށެވެ.
މި މަސައްކަތް ހަވާލުކޮށްފައިވަނީ 547 ދުވަސްތެރޭގައި ނިންމާގޮތަށް، 241,596,570.56ރ އަށް އަޒްރޯވާ މޯލްޑިވްސް ޕްރައިވެޓް ލިމިޓެޑް އިން ޖޭވީ ވިތް އެޑްވާޑް އެންޑް ކްރިސްޓީ ޕްރައިވެޓް ލިމިޓެޑާއެވެ.
ހުޅުމާލޭ ދެވަނަ ފިޔަވަހީގައި އަލަށް އިމާރާތްކުރާ ސްކޫލުގެ މަސައްކަތް ޙަވާލުކުރުމުގެ އެއްބަސްވުމުގައި އެޑިއުކޭޝަން މިނިސްޓްރީގެ ފަރާތުން ސޮއިކުރެއްވީ އެޑިއުކޭޝަން މިނިސްޓަރ ޑރ. އައިޝަތު ޢަލީއެވެ. އަދި އަޒްރޯވާ މޯލްޑިވްސް ޕްރައިވެޓް ލިމިޓެޑް އިން ޖޭވީ ވިތު އެޑްވާޑް އެންޑް ކްރިސްޓީ ޕްރައިވެޓް ލިމިޓެޑުގެ ފަރާތުން ސޮއިކުރެއްވީ ޑިރެކްޓަރ މުޙައްމަދު ހައިޝަމެވެ.
އެއްބަސްވުމުގައި ސޮއިކުރެއްވުމަށްފަހު އެޑިއުކޭޝަން މިނިސްޓަރ ވިދާޅުވީ، އަލަށް ޙަވާލުކުރެވުނު މި ސްކޫލާއެކު ހުޅުމާލޭގައި މިވަގުތުވެސް ބޮޑު 3 ސްކޫލެއްގެ މަސައްކަތް ކުރިއަށްދާކަމަށެވެ. މީގެ ތެރެއިން 2 ސްކޫލެއް އަންނަ އަހަރު ހުޅުވުމަށް މަސައްކަތް ކުރާއިރު، މިއަދު ޙަވާލުކުރެވުނު ސްކޫލުގެ މަސައްކަތް 2024 ގެ އޮގަސްޓްމަހަށް ނިންމުމަށް މަސައްކަތް ކުރަމުންދާކަމަށް މިނިސްޓަރ ވިދާޅުވިއެވެ.
މިފަހަރުު ދުއިސައްތަަ އެތަކެއްް މިލިޔަންރުފިޔާް ދީގެންް އަޅަނީީ ފަންޖިފުޑިއެއްތޯއްޗެެ ކުރީގަަ އެތަކެއްމިލިޔަނުންް ރުފިޔާަ ދީފަަ އަޅަމުގެންދިޔަަ ޓިނުހަރުގެެ އަދިވެސްް ނުނިމޭޭ ހުރިހާތަނެއްނުހާވާާ ކުރާކަމެެއްް އެއްކަމެއްނަމަވެސްް ކުރެވޭތޯބަލާބަލަ