ލޮލަށް އަޅާ ބޭހެއްގައި ޑިފެކްޓެއް ހުރުމުން ބޭނުންނުކުރަން އަންގައިފި
ލޮލަށް އަޅާ ބޭހެއްގައި ޑިފެކްޓެއް ހުރި ކަމަށް ބުނެ އެ ބޭސް ބޭނުންނުކުރަން މޯލްޑިވްސް ފުޑް އެންޑް ޑްރަގް އޮތޯރިޓީ އަންގައިފިއެވެ.
އެމްއެފްޑީއޭއިން މިއަދު ނެރުނު އިއުލާނުގައި ބުނީ މެލޭޝިއާގެ ކުންފުންޏެއް ކަމަށްވާ ޑުއޯފަރމާ އިން އުފައްދާ އެލަރސިން އައި ޑްރޮޕް ބޭހުގެ ބައެއް ބެޗުތަކުގައި ޑިފެކްޓެއް ހުރި ކަމަށް އެ ގައުމުގެ ނެޝަނަލް ފާމަސޫޓިކަލް ރެގިއުލެޓަރީ އޮތޯރިޓީން އަންގާފައިވާ ކަމަށެވެ.
އެގޮތުން ޑިފެކްޓް ހުރީ 3 ބެޗެއްގައި ކަމަށާއި، އެއީ ބެޗު ނަމްބަރު 193033، 200827، އަދި 200230 ކަމަށް ބުނެފައިވެއެވެ.
މިކަމާ ގުޅިގެން އެޗްޕީއޭއިން ވިދާޅުވީ މި ބޭހަކީ ރާއްޖެ އެތެރެކޮށް ވިއްކުން ހުއްދަކުރާ ބޭސްތަކުގެ ލިސްޓުގައި ހިމެނޭ ބޭހެއް ކަމަށާއި، އޭގައި މައްސަލަ ދިމާވެފައިވާ ތިން ބެޗުގެ ތެރެއިން ދެ ބެޗެއް ރާއްޖެއަށް އެތެރެކޮށް ވިއްކާފައިވާ ކަމަށެވެ. ބުނެއެވެ. އަދި މިހާރު އެ ބޭސް ރަޖިސްޓްރީކޮށްފައިވާ ފަރާތާއި ގުޅިގެން މާކެޓުން އެ ނަގަމުން އަންނަ ކަމަށާއި، ބޭސް ބޭނުންކުރާ ފަރާތްތަކުން ވެސް ބެޗު ނަމްބަރު ބަލައި ސަމާލުވުމަށް އިލްތިމާސްކޮށްފައިވެއެވެ.
