ހިކޭ ކަމަށް ބުނާ ބޭހެއް ބޭނުން ނުކުރަން އަނގައިފި
ބަރުދަން ލުއިކިރަން މީސް މީޑިއާ މެދުވެރިކޮށް ރާއްޖޭގައި ވިއްކަމުންދާ ބޭހެއް ބޭނުން ނުކުރަން އަންގައިފިއެވެ.
މޯލްޑްވިސް ފުޑް އެންޑް ޑްރަގް އޮތޯރިޓީން މިއަދު ބުނީ ބަރުދަން ލުއިވާނެ ކަމަށް ބުނެ ސޯޝަލް މީޑިއާ މެދުވެރިކޮށް މިހާރު ރާއްޖޭގައި ވިއްކަމުންދާ “ޖަމޫ ސޫރުތް އަޔޫ”ގައި ޑޮކްޓަރީ ބޭސް”ސިބަޓްރަމިން އަދި ލިޑޮކެއިން ހިމެނޭ ކަމަށް ދުނިޔޭގެ ގައުމުތަކުން ކޮށްފައިވާ ލެބޯޓްރީ ތަހުލީލުތަކުން ދައްކާ ކަމަށެވެ.
މިސަބަބާއި ހުރެ، މި ޕްރޮޑަކްޓް ދުނިއޭގެ ގައުމުތަކުގައި މަނާކޮށްފައިވާ ކަމަށާއި 100 އިންސައްތަ ދުރަތީ މާއްދާތަކުން އުފައްދާފައިވާ ކާބަލް ޕްރޮޑަކްޓެއްގެ ގޮތުގައި އިސްތިހާރުކޮށްފައިވާ އުފެއްދުމުގައި ހިމެނޭ ”ލިޑޮކައިން” އަކީ އައްސި ކުރުމަށް ބޭނުންކުރާ ބޭހަކަށްވާއިރު މި ބޭސް ބޭނުންކުރުމުގެ ސަބަބުން އިންސާނެއްގެ ހަށިގަނޑަށް ކޮށްފާނެ ނުރައްކާތެރި އަސަރުތައް އަދި މިހާތަނަށް އަންދާޒާ ކުރެވިފައި ނުވާ ކަމަށް ބުންޏެވެ.
މީގެ އިތުރުން “ސިބަޓްރަމިން” އަކީ އޭގައި ހިމެނޭ ނުރައްކާތެރި ސައިޑް އިފެކްޓްތަކުގެ ސަބަބުން ގިނަ ގައުމުތަކުގައި މަނާކޮށްފައިވާ ބޭހެއް ކަމަށާއި މި ބޭހުގައި ހިމެނޭ ސައިޑް އިފެކްޓްތަކުގެ ތެރޭގައި ފުރަމޭ ހަލާކުވުން، ހާޓްއެޓޭކް އަދި ސްޓްރޯކް ޖެހުން ހިމެނެއެވެ.
މީގެ ފަހުން ޖަމޫ ސުރުތް އަޔޫ ރާއްޖެ އެތެރެކުރުމާއި، ވިއްކުމާއި، އަދި ބޭނުން ކުރުމަކީ މަނާކަމެކެވެ. ރައްކާތެރިކަމުގެ ފިޔަވަޅެއްގެ ގޮތުން އިންޓަނެޓް އަދި އެނޫންވެސް
ގޮތްގޮތުން މިފަދަ އުފެއްދުންތައް ބައްލަވައިގަންނަވާއިރު، ފުރިހަމަ މައުލޫމާތު ހޯދުމަށާއި މިފަދަ "ހެލްތް ފްރޯޑް" ތަކަށް އާއްމު ރައްޔިތުން ސަމާލުވުމަށް އެފްޑީއައިއޭއިން ވަނީ އިލްތިމާސްކޮށްފައެވެ.
