ބަގީއާއެކު މޫދަށް ވެއްޓި އަންހެނަކަށް އަނިޔާވެއްޖެ
ބ.އަތޮޅު ރިސޯޓެއްގައި ބަގީއާއެކު މޫދަށް ވެއްޓި އަންހެނަކަށް އަނިޔާވެއްޖެއެވެ.
Ads by Sosun Fihaara
ފުލުހުން ވިދާޅުވީ މި ހާދިސާގައި އަނިޔާވެފައިވަނީ އުމުރުން 26 އަހަރުގެ މޮރޮކޯގެ އަންހެނަކަށް ކަމަށެވެ. އޭނާ އަކީ އެ ރިސޯޓުގެ މުވައްޒަފެކެވެ.
މި ހާދިސާ ހިނގާފައިވަނީ އެ ރިސޯޓުގެ ޖެޓީ މަތިން ބަގީ ދުއްވުމުގެ ތެރޭގައި ކަމަށް ފުލުހުން ވިދާޅުވިއެވެ. މި ހާދިސާގެ ރިޕޯޓް ލިބިފައިވަނީ މިދިޔަ އާދީއްތަ ދުވަހުގެ ރޭގެ ވަގުތެއްގައި ކަމަށް ފުލުހުން މައުލޫމާތުދެއެވެ.
އަނިޔާ ލިބުނު އަންހެން މީހާ އަށް މިހާރު އަންނަނީ އޭޑީކޭ ހޮސްޕިޓަލުގައި ފަރުވާ ދެމުންނެވެ. މި ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށް ފުލުހުން ވިދާޅުވިއެވެ.
Ads by Allied Insurance
