އިސްލާމިކް މިނިސްޓަރު އަބޫދާބީއަށް
އަބޫދާބީ ފޯރަމް ފޮރ ޕީސްގެ 9 ވަނަ އަހަރީ އެސެމްބްލީގައި ބައިވެރިވެވަޑައިގަތުމަށް އިސްލާމިކް މިނިސްޓަރު ޑރ.އަޙްމަދު ޒާހިރު ޢަލީ ފުރާވަޑައިގެންފިއެވެ.
އެ މަނިކުފާނު އަބޫދާބީއަށް ފުރާވަޑައިގަތީ ރޭގެ ވަގުތެއްގައެވެ.
ޕީސް ފޯރަމް ކުރިއަށްދާނީ މިއަދުން ފެށިގެން މި މަހުގެ 10 ގެ ނިޔަލަށެވެ. އެ ފޯރަމް ކުރިއަށްދާނީ އަބޫދާބީގެ މިނިސްޓަރ އޮފް ފޮރިންގ އެފެއާޒް އެންޑް އިންޓަރނޭޝަނަލް، އައްޝައިޚް ޢަބްދުﷲ ބިން ޒަޔެދް އަލް ނަޙްޔާންގެ ބެއްލެވުމުގެ ދަށުންނެވެ.
ހަމަނުޖެހުންތައް ނިމުމަކަށް ގެނައުމާއި ސުލްހަ ކަށަވަރުކޮށްދިނުމަށް އެ ފޯރަމްގައި އިސްކަމެއް ދެއްވާނެއެވެ. އެގޮތުން މުސްލިމް މުޖުތަމަޢުތަކުގައި ދެމެހެއްޓެނިވި ގޮތެއްގައި އަމާންކަމާއި ސުލްހަ ޤާއިމު ކުރުމަށާއި ހަރުކަށި ވާހަކަތަކާއި ދީންތަކުގެ މެދުގައި އުފެދޭ ކޯޅުންތަކަށް ހައްލެއް ހޯއްދަވަން މަސައްކަތް ކުރައްވާނެއެވެ.
