ރޭގެ އަލިފާނުގެ ހާދިސާއިން 9 މީހަކު ސަލާމަތް ކޮށްފައިވޭ
ރޭ ހިނގައިދިޔަ އަލިފާނުގެ ހާދިސާގައި 9 މީހަކު ސަލާމަތް ކޮށްފައިވާ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ރޭ މާލޭގައި ހިނގި ހިތާމަވެރި އަލިފާނުގެ ހާދިސާއާ ގުޅިގެން ރައީސް ޞާލިޙް ވަނީ ހާލަތު ބެއްލެވުމަށްޓަކައި އެ ސަރަހައްދަށް ވަޑައިގެންފައެވެ. މީޑިއާތަކާ ވާހަކަދައްކަވަމުން ރައީސް ޞާލިޙް ވިދާޅުވީ މި ހާދިސާގައި މިހާތަނަށް 10 މީހެއްގެ ފުރާނަ ގެއްލިފައިވާ ކަމަށެވެ. އޭގެ ތެރޭގައި ޤައުމު މުޅިން ކަށަވަރު ނުވާ މީހުން ތިބި ނަމަވެސް، ތިން ޤައުމެއްގެ މީހުން އެތަނުގައި އުޅުނުކަމަށް އެނގިފައިވާ ކަމަށެވެ.
އޭގެ ތެރޭގައި ހިމެނެނީ ބަންގްލަދޭޝް އިންޑިއާ އަދި ސްރީލަންކާ ކަމަށް ރައީސް ވިދާޅުވިއެވެ. އަދި “މީގެ ތެރެއިން 9 މީހަކު ސަލާމަތް ކުރެވި އެންޑިއެންއޭގެ ފަރާތުން އެހީތެރިކަން ފޯރުކޮށްދެމުން އެބަ ގެންދޭ” ކަމަށް ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ މިފަަދަ ހާދިސާތައް މަދުކުރުމަށް ހައްލެއް ގެނެވޭނީ މާލޭގައި އޮތް ތޮއްޖެހުން ހުއްޓުވިގެންކަމަށެވެ. އަދި މިފަދަ ހާދިސާތައް ހުއްޓުވުމަށް އެޅެން ހުރި އިތުރު ފިޔަވަޅުތައް ހޯދާނެކަމަށް އެމަނިކުފާނު ފާހަގަކުރެއްވިއެވެ.
މީގެ އިތުރުން ރައީސް ޞާލިޙް ވިދާޅުވީ މި ހާދިސާގައި އެމްއެންޑީއެފް އިން އަވަސް ފިޔަވަޅުތަކެއް އަޅައިގެން އަލިފާން ފެތުރުން ނުހުއްޓުވުނު ނަމަ، މިއީ ވަރަށް ބޮޑު އަލިފާނުގެ ޙާދިސާއަކަށްވެދާނެ ކަމަށެވެ.
މިއީ ތޮއްޖެހުމާއި ގުޅުން ހުރި މައްސަލައެއްނޫން. ކިތައްގަރާޖްގަ ރޯވެއްޖެ ކިތައްގުދަނުގަ ރޯވެއްޖެ. އެހެންވެ ޔާމީނު ވަނީ ބޮޑުބިމެއް ހިއްކާ ގަރާޖަ ގުދަން ބަދަލުކުރަން ނިންމާފަ. ވަނިކޮށް މިސަރުކާރު އައިސް އެކަންވެސް ހުއްޓުވާލި ތޮއް ނުޖެހުނަސް 300 މީހުންދިރިއުޅޭ ރަށުގާ ވެސް މިފަދަ ހަދިސާ ހިގާފާނެ. ވީމާ ގެއްލުން ކުޑަކުރުމަށް ޖެހޭނީ ގޮތްތައްހޮދަން. އެމްޑިޕީން މިވަނީ ގުދަންތަކުގެ ކުލި ގުދަންތަކަށް ލިބިދީގެން ވޯޓް ހޯދަން ވެގެން މާލޭ ގެއިންޑަސްތްރިއަލް ޒޯނުގެ ފުރުސަތު ނަގާލާފަ. މިއަދު މިހާދިސާ ހިގަންމެދުވެރި މިވީ އެހެންވެ. ޒިންމާ މިސަރުކާރުންއުފުލަންވާނެ.