ރާއްޖެ ބަނގުރޫޓު ވަނީއޭ ކިޔަނީ، ބަނގުރޫޓު ކުރަން: ރޮޒައިނާ
ދިވެހިރާއްޖެ ބަނގުރޫޓުވަނީއޭ ކިޔާތާ ހަތަރު އަހަރުވަނީ ކަަމަށާއި، އެހެން ކިޔަނީ ރާއްޖެ ބަނގުރޫޓު ކުރުމުގެ ބޭނުމުގައި ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
އޭނާ މިހެން ވިދާޅުވެފައިވަނީ ޕީއެސްއެމްގެ "ބާބު3" ޕްރޮގްރާމްގައި ދެއްކެވި ވާހަކައިގައެވެ.
ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވަނީ ރާއްޖެ ބަނގުރޫޓުވެދާނެކަމަަށް ވިދާޅުވެ، އެކަމުގެ ކަންބޮޑުވުންފާޅުކުރައްވައިފައެވެ.
"ބައެއް ބޭފުޅުން ޙަޤީޤަތުގައި ރާއްޖެ ބަނގުރޫޓުވަނީއޭ މި ކިޔަނީ، މިހެން ކިޔަމުން ދިޔުމަކީ ހަޤީޤަތުގައި ޤައުމު ބަނގުރޫޓު ކުރަން ދައްކާ ވާހަކައެއް ކަމަށް އަޅުގަނޑަށް ފާހަގަ ކުރެވެނީ."
ލޯނު ނުނަގައި، ރައްޔިތުން އުއްމީދު ކުރާ ބާރުމިނުގައި ތަރައްޤީގެ މަޝްރޫޢުތަައް ހިންގެން ނެތް ކަމަށް ރޮޒައިނާ ވިދާޅުވިއެވެ. އޭނާ ވަނީ 2558 މަޝްރޫޢުއެއް މިހާރުވެސް ރާއްޖޭގައި ހިނގަމުން އަންނަކަން ފާހަގަކުރައްވައިފައެވެ.
"ދަރަނި މައްސަލައަކަށް މިވާ ހިސާބަކީ، ދަރަނި ނުދެއްކޭ ހިސާބަށް ގޮއްސިއްޔާ، މިހާތަނަށް ރާއްޖެއިން ދައްކަންޖެހޭ އެއްވެސް ދަރަންޏެއް ނުދައްކައެއް ނެތް. މިހާތަނަށް އެއްވެސް ޕޭމަންޓެއް ނުދައްކައިގެން ޑިފޯލްޓްވެފައެއް ނެތް." އޭނާ ވިދާޅުވިއެވެ.
ރޮޒައިނާ ވިދާޅުވި ގޮތުގައި، ފިނޭންސް މިނިސްޓަރު އިބްރާހީމް އަމީރުވެސް، ތަކުރާރުކޮށް ވިދާޅުވަމުން ގެންދަވާ ވާހަކަ އަކީ ރާއްޖެއަށް ދަރަނި ދެއްކުމުގެ ޤާބިލުކަން ލިބިފައިވާ ވާހަކައެވެ.
އާނ ބަގުރޫޓެއްނުވޭ، އެކަމަކު މިފަހަރު ގިނަސިވިލްސާވަންޓުންނަށް މުސާރަކޮޅުދެވުނީވެސް ސަލާންޖަހައިގެން 100 މިލިޔަން ޑޮލަރުގައުމަކުން ހޯދައިގެން، އިންޑިޔާގެ ދަންމަޅީގަ ޖެހިނިމުނީ ނާގާބިލް މަޖިލީހަކާ ވެރިކަމުގެތިބި ގަމާރުންގެ ސަބަބުން!
ބަޖެޓްގައި ބޮޑެތި އަދަދު ޖަހައިގެން ބަޖެޓް ސަޕޯޓޭ ކިޔާއިގެން ވޯލްޑް ބޭންކާއި އައިއެމްއެފް އިން ރިބާ ލޯނުގެ ދަރަނި ނެގީމާ ބަގުރޫޓުނުވެ ނުދާނެ !
އާނ ގަހެ ބަނގުރޫޓް ވުމަކީވެސް ނުވުމަށްވުރެން ވުން ކައިރިކަމެކެވެ
މާހަޓުވެގެން ހައުމު ފަސާދަ ކިރެވޭކަންވެސް ތިމާމެންނަށް ނޭނގޭވިއްޔާ. ޢެކަކު އަނެކެއްގެ ޢަބުރު ކަތިލެވޭއިރުވެސް ބުނަނީ މިކަން ކުރަން ޖެހެޔޯ.