މަސްތުވާތަކެތީގެ ވިޔަފާރީގައި އުޅޭ ސިޔާސީ މީހުންނަށް ވޯޓު ނުދިނުމަށް ގޮވައިލައްވައިފި
މަސްތުވާތަކެތީގެ ވިޔަފާރީގައި އުޅޭ ސިޔާސީ ފަރާތްތަކަށް ވޯޓު ނުދިނުމަށް ރައްޔިތުންގެ މަޖިލީހުގެ މަޑުއްވަރި ދާއިރާގެ މެމްބަރު އާދަމް ޝަރީފު އުމަރު ގޮވައިލައްވައިފިއެވެ.
މަސްތުވާތަކެތީގެ ނުރައްކާ ބޮޑުވަމުން އަންނައިރު، އެކަމުން ސަލާމަތްވުމަށް އޮތް އެންމެ ބޮޑު ގޮންޖެހުމަކީ އެ މައްސަލައަށް އެކަށީގެންވާ ޤާނޫނީ އޮނިގަނޑެއް ނެތުން ކަމަށް ނޭޝަނަލް ޑްރަގް އޭޖެންސީ (އެންޑީއޭ)ގެ އާ ސީއީއޯ އިމާދު ޞާލިޙު ވަނީ ވިދާޅުވެފައެވެ.
މިކަމާ ގުޅޭ ޚަބަރެއް ޓްވިޓަރގައި ހިއްސާ ކުރައްވައި، ޕީއެންސީގެ ޕީޖީ ލީޑަރު ވަނީ މި މައްސަލަ ޙައްލު ކުރެވޭނީ، ވެރިން އިޙްލާސްތެރި މަސައްކަތްތަކެއް ކޮށްގެން ކަމަށް ވިދާޅުވެފައެވެ. އަދި ސިޔާސީ މީހުންގެ ތެރެއިން، މަސްތުވާތަކެތި ޑީލް ކުރާ މީހުންނަށް ވޯޓު ނުދިނުމަށް އޭނާ އެދިވަޑައިގެންނެވިއެވެ.
މަސްތުވާތަކެތީގެ ވަބާގައި ޖެހޭ ޒުވާނުންނަށް ފޯރުކޮށްދެވޭ ރެހިބިލިޓޭޝަން ފަރުވާ ދިނުމުގައި ހުރި ދަތިތަކާ ގުޅޭ ގޮތުން ހެލްތު މިނިސްޓްރީން ކުރެއްވި ދިރާސާއަކުން އެނގުނު ގޮތުގައި، ރާއްޖޭގައި އުމުރުން އެންމެ އަށް އަހަރުގެ ކުޑަކުދިންވެސް މަސްތުވާތަކެތި ބޭނުންކުރެއެވެ.
ހެލްތު މިނިސްޓްރީން މީގެ ކުރިން ވިދާޅުވި ގޮތުގައި ރާއްޖޭގެ ހުރިހާ އަތޮޅަކަށް މަސްތުވާތަކެތީގެ ވަބާ ވަނީ ފެތުރިފައެވެ. އަދި އެކަމުގައި ފިރިހެނުން ބޮޑަށް ޝާމިލުވިޔަސް އަންހެނުންގެ ނިސްބަތް ވެސް ވަކި ކުޑަ ނޫން ކަމަށް ވިދާޅުވެފައިވެއެވެ.
އެހެން ވިއްޔާޕޕ ގެމަތިފަޑީ ގަތިބިހާބަޔަކީ ތިޔަދޭނއނުޖެހޭ މީހުންތާ؟