ކައިވެނީގެ ހަފްލާގައި ރަންބީރް ކުރި ކަމަކުން، ކަރަންއަށް ހައިރާންކަން
އާލިއާ ބަޓް އަދި ރަންބީރް ކަޕޫރަކީ ބޮލީވުޑްގެ އެންމެ ލޯބި އެއް ޖޯޑު ކަމަށްވެސް ބުނެވިދާނެއެވެ. އެ ދެމީހުންނަށް އަންހެން ދަރިއަކު ލިބުމާއެކު، ދެމީހުންގެ ވާހަކަ އިތުރަށް ދަނީ ދެކެވެމުންނެވެ.
މި ހިއްސާ ކޮށްލަނީ ރަންބީރާ އާލިއާގެ ފޭނުންނަށް ނޭނގި އޮތް ވާހަކައަަކަށްވެސް ވެދާނެއެވެ.
މަޝްހޫރު ސެލެބްރިޓީ ޝޯ، "ކޮފީ ވިތު ކަރަން"ގެ ހަތް ވަނަ ސީސަންގެ އެންމެ ފުރަތަމަ އެޕިސޯޑްގައި، ރަންބީރާ އާލިއާގެ ކައިވެނީގެ ހަފްލާއާ ގުޅޭގޮތުން ދެއްކި ވާހަކައެއްގައި، ބޮލީވުޑްގެ މަޝްހޫރު ޕްރޮޑިއުސަރު ކަރަން ޖޯހަރު ބުނީ، އެ ހަފްލާގައި އޭނާވެސް ވަަރަށް ބޮޑަށް އިމޯޝަނަލްވެ، ފެންކަޅިވި ކަމަށެވެ.
އަދި އޭނާ އެންމެ ހައިރާންވި އެއް ކަމަކީ، ދުވަހަކުވެސް ރޮއެފާނެ ކަމަށް ހީނުކުރާ ރަންބީރް، އާލިއާއާ ކައިވެނި ކުރުމުގެ ތެރެއިން ރުއިމުން ކަމަށެވެ.
ކޮފީ ވިތު ކަަރަންގެ މި އެޕިސޯޑުގައި އާލިއާ ވަނީ ރަންބީރު އޭނާއަށް ޕްރޮޕޯސް ކުރީވެސް ވަަރަށް ޚާއްސަ ގޮތަކަށް ކަމަށް ބުނެފައެވެ. އެގޮތުން ޖަންގަލީގައި ހުރެ އަނގޮޓި ނަގައި ޕްރޮޕޯސް ކުރިއިރު، އެމީހުންގެ ގައިޑު ލައްވައި، ވަރަށް ގިނަ ފޮޓޯތަކެއްވެސް ނެގި ކަަމަށް އާލިއާ ކިޔައިދިނެވެ.
އާލިއާ ބުނީ އޭނާއަށް ފޮޓޯ އަކީ ވަަރަށް މުހިންމު އެެއްޗެއް ކަމަށާއި، ރަންބީރު އެކަން ދެނެގަތުމުން ވަަރަށް އުފާވި ކަމަށެވެ.
