ޚަބަރު ސިޔާސީ

ޤައުމު ވިއްކައިލި މީހުން ބަލި ކުރަން، ރައްޔިތުން ތެދުވޭ: ސަޢީދު

ފަތޯނާ ފާއިޒު ، ދެން އޮންލައިން
ޕީއެންސީގެ ނައިބު ރައީސް މުޙައްމަދު ސަޢީދު-- ފޮޓޯ/ ދެން

ޤައުމު ވިއްކައިލި މީހުން ބަލި ކުރަން ދިވެހި ރައްޔިތުން ތެދުވުމަށް ޕީއެންސީގެ ނައިބު ރައީސް، އަދި ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުޙައްމަދު ސަޢީދު ގޮވައިލައްވައިފިއެވެ.

Ads by STELCO

ޕީޕީއެމް-ޕީއެންސީގެ ކޯލިޝަނުން ރޭ އާޓިފިޝަލް ބީޗު ސަަރަހައްދުގައި ބޭއްވި ޖަލްސާގައި ވާހަކަ ދައްކަވަމުން، ސަރުކާރަށް ވަތަށް ބޮޑަށް ފާޑުވިދާޅުވެ، ސަޢީދު ވަނީ، "މި އަންނަނީ ރީނދޫ ރައީސް ބަލި ކުރަން" ކަމަށް ވިދާޅުވެފައެވެ. އޭނާ ވިދާޅުވީ އިންޑިއާވެސް ބަލި ކުރަން ޖެހޭ ކަމަށާއި، އެ ޤައުމަށް އޮތް ގޮތަކީ "އައުޓް" ވުން ކަަމަށެވެ.

"މި ރައީސް، ރީނދޫ ރައީސް. މި ގައުމު ވިއްކައިފި، ކަނޑުފަޅު ވިއްކައިފި. އަޅުގަނޑު ކުރިންވެސް ދެންނެވިން، ރައްޔިތުންގެ މަޖިލީހުގައި 25 އަހަރު ހުއްޓަސް، ޅޮސް ގަހެއް ވާނީ ޅޮސް ގަހަކަށޭ. ވަޠަން އެދި ގޮވަނީ މިފަދަ ޣައްދާރުން ބަލި ކުރަން."

ޕްރޮގްރެސިވް ކޮންގްރެސް ކޯލިޝަނަކީ ތަރައްޤީ، އަދި ވަޠަނީ ފިކުރު ގެންގުޅޭ ހަމައެކަނި ކޯލިޝަންކަން ފާހަގަކުރައްވައި، ސަޢީދު ވަނީ އެ ކޯލިޝަނުން ކުރިއަށް ނެރެނީ، މިނިވަންކަންމަތީގައި ޤައުމު ދެމެހެއްޓުމުގެ ފިކުރު ކަމަށް ވިދާޅުވެފައެވެ.

އިދިކޮޅުގެ ރިޔާސީ ކެންޑިޑޭޓް، ރައީސް ޔާމީން އަބްދުލްޤައްޔޫމަށް މި ވެރިކަމުގައި ވަރަށް ބޮޑަށް އަނިޔާކޮށްފައިވާ ކަމަށާއި، އެ އަނިޔާތަކަށް އެމަނިކުފާނު ކެތް ކުރައްވައިފި ކަމަށްވެސް ސަޢީދު ވިދާޅުވިއެވެ. އޭނާ ވަނީ ރައީސް ޔާމީންގެ ކުށަކީ ރާއްޖޭގައި ބޮޑެތި މަޝްރޫޢުތަކެއް ހިންގުންތޯ ސުވާލު ކުރައްވައިފައެވެ.

ސަޢީދުވެސް ވަނީ ރައީސް ޔާމީން މިނިވަންކޮށް، މި އަހަރު ބާއްވާ ރިޔާސީ އިންތިޚާބު އެމަނިކކުފާނަށް ކާމިޔާބު ކޮށްދެއްވާނެ ކަމަށް ޕީޕީއެމް-ޕީއެންސީގެ ލީޑަރޝިޕުން ވިދާޅުވަމުން އަންނަ ވާހަކަ ތަކުރާރު ކުރައްވައިފައެވެ.

އޭނާ އިތުރަށް ވިދާޅުވީ ރިޒާވްގައި ހުރި ފައިސާ ހުސްކޮށްލިއިރު، ކާޑުގެ ބާވަތްތައްވެސް ގަންނަން ޖެހެނީ އިންޑިއާއިން، ސިއްރު އަގެއްގައި ކަމަށެވެ. އެ ޤައުމުން ގިނަ އަދަދެއްގެ ފައިސާ ދަރަންޏަށް ނަގައި، ރާއްޖެ ދަރުވައިލައިފައިވާ ކަމަށްވެސް އޭނާ ވިދާޅުވިއެވެ.

 

Ads by Allied Insurance
  1. ފާތުމަ

    ދެން ކަލޯ ޕާޓީ މީހުން ވެސް ވިއްކި ސޯ އޮޅިއްޖެ