ސަލްމާާންގެ ފަރާތުން ލިބުނު އަނިޔާގެ ހަނދާންތައް ސޯމީ އައު ކޮށްފި
ބޮލީވުޑްގެ ކުރީގެ ތަރި ސޯމީ އަލީއާއި ސުޕަ ސްޓާރ ސަލްމާން ހާންގެ ލޯބީގެ ވާހަކައަކީ، އެއް އިރެއްގައި ނޫސްތަކުގެ ފަލަ ސުރުޚީގައި ވިދައިލި ވާހަކަތަކެކެވެ.
އެހެންނަމަވެސް ސޯމީ ވަނީ އޭނާއާއި ސަލްމާން އާއެކު އޮތް ގުޅުމާއި ބެހޭގޮތުން ގިނަ ވާހަކަތަކެއް މީޑިއާތަކުގައިވެސް ދައްކައިފައެވެ.
މިގޮތުން އޭނާއާއި ސަލްމާންއާއި އެކުއޮތީ ވަރަށް އަނިޔާވެރި ގުޅުމެއްކަމަށް ސޯމީ ވަނީ ބުނެފައެވެ. ސޯމީގެ އިންސްޓާގްރާމްގައި ކޮށްފައިވާ ޕޯސްޓެއްގައި ވަނީ ސަލްމާން އާއިއެކު އޮތް ގުޅުމާއި ބެހޭގޮތުން ވާހަކަ ދެއްކުމަށް އެހައކ ދިގު މުއްދަތެއް ނެގީ ކީއްވެތޯ އަމިއްލަ ނަފްސާއި ސުވާލުކޮށްފައެވެ. އަދި އެގުޅުމާއި ބެހޭގޮތުން އޭނާވަނީ ވަރަށް ތަފްސީލުކޮށް ވާހަކަ ދައްކައިފައެވެ.
"މިއީ ބްރޭކިން ނިއުސްއެއް ނޫން. މިވާހަކަތައް މީގެ ކުރިންވެސް ބައެއް ނޫސްތަކުން ކޮންމެސް ސިފައެއްގައި ގެނެސްދިން. ނުވަދިހައިގެ އަހަރުތަކުގައި ފިލްމީ މެގަޒިންތަކުގައި ސޯމީއަށް ސަލްމާން ޖިސްމާނީ އަނިޔާތައް ކުރާކަމަށް ލިޔެވިފައި ހުންނާނެ. މި ވާހަކަތައް ބައެއް މީހުންނަށް އާ ވަހަކަތަކަށް ވަނީ ކީއްވެކަމެއް ނޭނގެ" ސޯމީ ބުނެފައިވެއެވެ.
ފިލްމް "އަންތު" އަދި "އާއޯ ޕިޔާރު ކަރޭ" ފަދަ ފިލްމްތަކުން ފެނިގެން ދިޔަ ސޯމީ ބުނި ގޮތުގައި، އޭނާ ސަލްމާންއާއި ރުޅިވީ ސަލްމާން އޭނާއަށް އަނިޔާ ކުރުމުގެ އިތުރުން އޮޅުވާލައި "ޗީޓް" ކުރުމުގެ ސަބަބުންނެވެ.
އެހެންނަމަވެސް އެގުޅުމަކީ ގިނަ ފިލާވަޅުތަކެއް ދަސްވި ގުޅުމެއްކަމަށް ސޯމީ ވަނީ ބުނެފައެވެ.
Ads by STO
