އިމްރާން ރައީސް ޞާލިހަށް ތާއީދު ކުރައްވަނީ ސަރުކާރުން ބޮޑު ބައެއް ކައިލެވޭތީ: އިންތި
ހޯމް މިނިސްޓަރުގެ މަގާމުގައި ހުންނެވި ޢަދާލަތު ޕާޓީގެ ރައީސް އިމްރާން އަބްދުﷲ ރައީސް އިބްރާހިމް މުހައްމަދު ޞާލިހަށް ތާއީދު ކުރައްވައި ކޯލިޝަނެއް ހަދައިގެން ވެރިކަމަށް އަންނަން ތާއީދު ކުރަނީ ސަރުކާރުން ބޮޑު ބައެއް "ކައިލެވޭތީ" ކަމަށް މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވިދާޅުވެއްޖެއެވެ.
މިނިސްޓަރު އިމްރާން ޢަދާލަތު ޕާޓީގެ ރައީސްގެ ގޮތުގައި ހުންނަވައި އެމްޑީޕީގެ އެތެރޭގެ އިންތިހާބުގައި ރައީސް ޞާލިހަށް ކެމްޕެއިން ކުރާތީ އެޕާޓީގެ އެތެރެއިން ބޮޑެތި ފާޑުކިޔުންތަކެއް ވަނީ އަމާޒުވެފައެވެ.
އިމްރާން ވިދާޅުވަމުން ގެންދަވަނީ ކޯލިޝަން ނުހިފެހެއްޓޭ ރައީސަކަށް ވެރިކަން ކުރަން ފަސޭހަ ނުވާނެ ކަމަށެވެ. އަދި ކޯލިޝަނެއްގެ ތެރެއިން ނޫން ގޮތަކަށް ދެން ވެރިކަން ނުކުރެވޭނެކަމަށްވެސް މިނިސްޓަރު ދަނީ ވިދާޅުވަމުންނެވެ.
އިމްރާންގެ ވާހަކަތަކަށް ރައްދު ދެއްވަމުން އިންތި ވިދާޅުވީ ކޯލިޝަން ހެދުމުގެ ޠަބީއަތާއި ޚިލާފު ވެރިކަމުގެ ނިޒާމެއް ބާއްވައިގެން ތާއަބަދު ކޯލިޝަން ހަދައިގެން ވެރިކަމަށް އަންނަން ބާރު އަޅައި، އެކަން ބަދަލުވިޔަ ނުދޭން މަރަށް ތެޅެނީ ތާއީދު ނެތް މީހުން ސަރުކާރުން ބޮޑު ބައެއް ކާލެވޭތީ ކަމަށެވެ.
އިންތި މިހެން ވިދާޅުވިއިރު، އިމްރާން ރައީސްކަން ކުރައްވާ އަދާލަތު ޕާޓީއަކީ ރާއްޖޭގައި އޮތް އެންމެ މެމްބަރުން މަދު އެއް ސިޔާސީ ޕާޓީއެވެ. އެޕާޓީއަށް ކޯލިޝަނެއްގެ ތެރެއިން ނޫން ގޮތަކަށް އެއްވެސް ބާރެއް މިހާތަނަށް ލިބިފައެއް ނުވެއެވެ. އެޕާޓީ ތަމްސީލު ކުރާ އެއްވެސް މެމްބަރަކު ރައްޔިތުންގެ މަޖިލީހުގައިވެސް ނެތެވެ. ކައުންސިލްތަކުގައިވެސް އަދާލަތުގެ މެމްބަރުން މަދެވެ.
ރައީސް މުޙައްމަދު ނަޝީދު ވަނީ އިންތިޚާބުގެ ފުރަތަމަ ބުރުގައި ކޯލިޝަނެއް ހެދުމާ ދެކޮޅު ހައްދަވައިފައެވެ. އެމަނިކުފާނު ވިދާޅުވަނީ އެއީ ބޭއިންސާފެއް ކަމަށެވެ. އަދި ބުރަކޮށް މަސައްކަތް ކޮށްފިނަމަ އެމްޑީޕީއަށް ރައްޔިތުންގެ ފަރާތުން ބޮޑު ތާއީދެއް ލިބޭނެކަމަށްވެސް ރައީސް ނަޝީދު ދެކިލައްވައެވެ. އެހެންނަމަވެސް ރައީސް ޞާލިހު ވިދާޅުވީ ކޯލިޝަނެއްގެ ތެރެއިން ނޫން ގޮތަކަށް އެމްޑީޕީއަށްވެސް ވެރިކަން ކާމިޔާބު ނުކުރެވޭނެ ކަމަށެވެ.
ރާއްޖޭގައި ވެރިކަން ހިންގަނީ ރިޔާސީ ނިޒާމަށެވެ. ކޯލިޝަނަކީ މި ނިޒާމުގެ ރޫހާއި މުޅިން ޚިލާފު ކަމެކެވެ. ކޯލިޝަން ހަދައިގެން ވެރިކަމަށް އައުމަކީ ބަރުލަމާނީ ނިޒާމުގެ ސިފައެކެވެ.
ކަނީ ކާކަމަކަށްތަ….ޚުދު އިމްރާނު މާލޭ މަސްމާރުކޭޓަށް ގޮސް ފުލުހުންނަށް ކެއުމަށް ގެންދާ މަހުގެ ކޮންޓްރޯލް (އޭނާގެ ޖީބަށް ބަޔެއް ވަންނަގޮތަށް) ނަގައިފި ކޮއްކޯ…
ކަލޭ ނަޝީދަށް ތާއީދު ކުރަނީ މިގައުމާ އިސްލާދީން އެއްކޮށް މޮޑެ ވެއްޔާއެކު ކާލެވޭތީ!!!