އެންމެ އިސްކަންދޭ އަވަށްޓެރިއަކީ ރާއްޖެ: ޖައިޝަންކަރު
އަވަށްޓެރިންގެ ތެރެއިން އެންމެ ފުރަތަމަ އިސްކަން ދެނީ ދިވެހިރާއްޖެއަށް ކަަމަށް އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމާނިއަމް ޖައިޝަންކަރު ވިދާޅުވެއްޖެއެވެ.
ޖައިޝަންކަރު މިހެން ވިދާޅުވީ ހދ. ހަނިމާދޫ އެއާޕޯޓު އިންޓަނޭޝަނަލް ފެންވަރަށް ތަރައްޤީކުރުމުގެ އަމަލީ މަސައްކަތް ފެށުމަށް ބޭއްވި ރަސްމިއްޔާތުގައި ވާހަކަދައްކަވަމުންނެވެ.
މި ރަސްމިއްޔާތުގައި ދެއްކެވި ވާހަކަފުޅުގައި ޖައިޝަންކަރު ވިދާޅުވީ އިންޑިއާ އިން ގެންގުޅޭނީ ފުރަތަމަ އަވައްޓެރިންގެ ސިޔާސަތު ކަމަށެވެ. އަދި އަވައްޓެރިންގެ ތެރެއިން ދިވެހިރާއްޖެއަކީ އިންޑިއާއިން އެންމެ ފުރަތަމަ އިސްކަންދޭ ޤައުމު ކަމަށް ވިދާޅުވެމ އެ ޤައުމުން ދަނީ ލިބިފައިވާ ތަޖުރިބާއާ ފަންނުގެެ އެހީގައި ރާއްޖެ ފަދަ އަވައްޓެރިންނަށް އެހީ ވަމުން ކަމަށްވެސް ވިދާޅުވިއެވެ.
ޖައިޝަންކަރުގެ ވާހަކަފުޅުގައި ރާއްޖޭގެ ރަށްތަކުގައި ޢުމްރާނީ ތަރައްޤީގެ މަޝްރޫޢުތައް ހިންގުމަށް، އެހީގެ ގޮތުގައި 100 މިލިއަން ރުފިޔާގެ ގްރާންޓް ދޭން ނިންމާފައިވާކަން ހާމަކުރެއްވިއެވެ. އެމަނިކުފާނު ވަނީ ރާއްޖޭގެ ފަތުރުވެރިކަމުގެ ސިނާޢަތުގައި އިންޑިއާގެ ހިއްސާ ބޮޑުވަމުން އަންނަކަން ފާހަގަކުރައްވައި، 2020 ވަނަ އަހަރުން ފެށިގެން، އެ ޤައުމުން ރާއްޖެއަށް އަންނަ ފަތުރުވެރިންގެ އަދަދުވެސް އިތުރުކަމަށް ވިދާޅުވެފައެވެ.
އޭނާ ވިދާޅުވީ ހދ.ހަނިމާދޫގެ އެއާޕޯޓް ތަރައްޤީވެގެން ދިޔުމުން، އިންޑިއާއިން އަންނަ ފަތުރުވެރިންގެ އަދަދު މިހާރަށްވުރެވެސް ބޮޑުތަނުން އިތުރު ވެެގެންދާނެ ކަމަށެވެ.
ޢިންޑިޔާއިން މިހާރު މި އަންނަ މީހުން ފިޔަވައި ދެންތިބި މީހުން ރާއްޖެ ނައިސް މިތިބީ ހަނިމާދޫ އެއަރޕޯޓް ނޫން އެހެން އެއަރޕޯޓަކަށް ނުފައިބާންތަ؟