ކުރިއަށް ދެވެން އޮތް ގޮތް ފެނުމުން ދާން ޖެހޭނީ އެ މަގުން، ފަހަތަށް ދިޔުމަކީ ރަނގަޅު ގޮތެއް ނޫން
ކުރިއަށް ދެވެން އޮތް ގޮތް ފެނުމުން ދާން ޖެހޭނީ އެ މަގުން ކަމަށާއި ފަހަތަށް ދިޔުމަކީ ރަނގަޅު ގޮތެއް ނޫން ކަމަށް ރައީސް އިބްރާހީމް މުހައްމަދު ޞާލީޙް ވިދާޅުވެއްޖެއެވެ.
އެމްޑީޕީ ރިޔާސީ ޕްރައިމަރީ ކެންޕެއިނަށް މިހާރު އުތުރުގެ ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން ށ. މިލަންދޫ އަށް ވަޑައިގެން ވާހަކަފުޅު ދައްކަވަމުން ރައީސް ޞާލިޙް ވިދާޅުވީ، މި ފަސް އަހަރު ނިމިގެންދާ އިރު ވީ ވައުދުތައް ފުރިހަމަކޮށްދީ އޭގެ ބޭނުން ރައްޔިތުންނަށް ހިފޭނެ މަގު ފަހި ކޮށްދެއްވާނެ ކަމަށެވެ.
އަދި ކުއްލިޔަކަށް ކުރާ ކަންތައްތަކުން ލިބޭ ގެއްލުން ބޮޑުވާނެ ކަމަށާއި ކަންތައްތައް ކުރަން ޖެހޭނީ ވިސްނުންތެރިކަމާ އެކު ޕްލޭން ކޮށްގެން ކަމަށް ރައީސް ވިދާޅުވިއެވެ. މީގެ އިތުރުން ކުރީ ސަރުކާރުތަކުން ގާނޫނާ ހިލާފަށް ކޮށްފައި ހުރި ކަންތައްތަކުން އަދިވެސް އަރައި ނުގަނެވޭ ކަމަށާއި އޭގެ ބަދަލު އެތައް މިލިއަން ރުފިޔާ އަދި ޑޮލަރުން ދޭން ޖެހިފައިވާ ކަމަށް ރައީސް ޞާލިޙް ވިދާޅުވިއެވެ.
"މިއީ ހެދިފައި ހުރި އެގްރީމެންޓުގެ ބޭރުން ހަމަ ހެދުނު ހޭލާފަ ކޮށްލަން ހުރީމަ ވެގެން އުޅޭ ކަންތައް. އެހެންވީމަ ނަލަންދޫގެ މަސައްކަތްވެސް މިހާރު އޮތީ އެހިސާބުގަ. ރަނގަޅު އެއްބަސްވުމަކަށް އަޅުގަނޑަށް ހަމަ ޔަގީން މާ ލަސްތަކެއް ނުވެ އާދެވޭނެ" ރައީސް ޞާލިޙް ވިދާޅުވިއެވެ.
މީގެ އިތުރުން ކަންތައްތައް ކުރަން ޖެހޭނީ އެންމެންނަށް ހަމަހަމަކޮށް ކަމަށާއި ވަކި ފަރާތަކަށް ބުރަވެގެން ނުވާނެ ކަމަށް ރައީސް ވިދާޅުވިއެވެ. އަދި އެއްވެސް ރަށެއް ބާކީ ނުކޮށް މި ސަރުކާރުން ދާނީ ކުރިޔަށް ކަމަށާއި ކުރިޔަށް ދެވެން އޮތް ގޮތް ފެނުމުން ދާން ޖެހޭނީ ކުރިޔަށް ކަމަށާއި އެނބުރި ފަހަތައް ގޮސް މަގުމަތިވުމަކީ ރަނގަޅު ގޮތެއް ނޫން ކަމަށް ރައީސް ޞާލިޙް ވިދާޅުވިއެވެ.
" އަޅުގަނޑުމެންނަށް ރަނގަޅު ގޮތް ފެނުނީމާ, ކުރިޔަށްދާން ޖެހޭނީ އެމަގުން. އެނބުރި ފަަހަތަށް ގޮސް މަގުމަތިވުން އެއީއަކީ އެއް ރަނގަޅު ގޮތެއް ނޫން. އެއީ އެމްޑީޕީއަކަށް ވެސް ރަނގަޅު ގޮތެއް ނޫން. މި ގައުމަކަށް ވެސް ރަނގަޅު ގޮތެއް ނޫން" ރައީސް ޞާލިޙް ވިދާޅުވިއެވެ.
އަހަރެން ކުރިންހީކުރީ ކެނެރީގޭ ނަޝީދަކީ ދުނިޔޭގެ އެންމެ ކަނޑުކޮސް ސިޔާސީ ލީޑަރކަމަށް،އެކަމަކު މިއިބުރާހީމް މުޙައްމަދު މިއީ އާދަޔާޚިލާފް ކޮހެއް’މިއީ އަނެއްކާ ކޮންފަދަގެ ކަމެއްބާ؟ޔުކްރެއިންގެ ރައީސްވެސް މިއަށްވުރެ މާހަމަޖެހޭ.
ރަނގަޅު ވާހަކައެއް ތިބުނީ