Tuesday, 17 November 2026
Advertisement
Ooredoo — Article-Top (leaderboard)
ދުނިޔެ

ޑިސެމްބަރު މަހުން ފެށިގެން ޗައިނާގައި ކޮންމެ 10 މީހަކުން އަށް މީހަކަށް ކޮވިޑް ޖެހިފައިވޭ

ޑިސެމްބަރު މަހުން ފެށިގެން ޗައިނާގައި ކޮންމެ 10 މީހަކުން އަށް މީހަކަށް ކޮވިޑް ޖެހިފައިވޭ

ޑިސެމްބަރު މަހުގެ ކުރީކޮޅު އަޅާފައިވާ ފިޔަވަޅުތައް އުވާލި ފަހުން ޗައިނާގެ އާބާދީގެ ގާތްގަނޑަކަށް 80 ޕަސެންޓަށް ކޮވިޑް ޖެހިފައިވާ ކަމަށާއި ޑިސެމްބަރު މަހު ކޮންމެ 10 މީހަކުން އަށް މީހަކަށް ބަލި ޖެހިފައިވާ ކަމަށް ޗައިނާގެ ސިއްހީ އިދާރާތަކުން ބުނެފިއެވެ.

އާ އަހަރާއި ސްޕްރިންގް ފެސްޓިވަލް ފެށުމުގެ ކުޑަ ދުވަސްކޮޅެއް ކުރިން ޗައިނާ ސަރުކާރުން ވަނީ ޒީރޯ-ކޮވިޑް ސިޔާސަތު ކުއްލި ގޮތަކަށް އުވާލާފައެވެ. މިއާއެކު އޮމިކްރޯން ކޭސްތަކުގެ ރާޅެއް ޗައިނާގައި ވަނީ ފެތުރިފައެވެ.

ހޮނިހިރު ދުވަހު ޗައިނާގެ ސެންޓާ ފޯ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން ބުނީ އެ ގައުމުގެ 1.41 ބިލިއަން މީހުންގެ ތެރެއިން ގާތްގަނޑަކަށް 80 ޕަސެންޓް މީހުންނަށް ބަލި ޖެހިފައިވާ ކަމަށެވެ.

Advertisement
Ooredoo — Truecaller (box)

އަދި އާ އަހަރާ ދިމާކޮށް 12،658 މީހުން މަރުވެފައިވާ ކަމަށާއި މިއީ ޗައިނާގައި ބަލި ޖެހިގެން މަރުވި މީހުންގެ އަދަދަށް ވުރެ މާ ދަށް އަދަދެއް ކަމަށް ސީޑީސީން ބުންޏެވެ.

ޑިސެމްބަރު މަހު ކޭސްތައް އިތުރުވުމުގެ ސަބަބުން ޗައިނާގެ ޑޭޓާ އެއްކުރުމުގެ މަސައްކަތައް ވަނީ ހުރަސްއެޅިފައެވެ. އަދި އެ ގައުމުގައި ކޮވިޑްގައި މަރުވާ މީހުންގެ އަދަދު ގިނަވުމާއެކު، ރަސްމީ ޓެލީތަކަށް ބުރޫއަރާ ކަމަށް ބުނެ ޑަބްލިއުއެޗްއޯއިން ވަނީ ޗައިނާގައި ޑޭޓާ ޓްރާންސްޕޭރެންސީ ނެތް ކަމަށް ތުހުމަތުކޮށްފައެވެ.

މިއާއެކު ޗައިނާގެ ބެއިޖިންއިން ވަނީ އެ ތުހުމަތު ދޮގުކޮށް ޒީރޯ-ކޮވިޑް ޕޮލިސީ އާއި ކުއްލިގޮތަކަށް އެ ސިޔާސަތު ރޫޅާލުން ދިފާއުކޮށްފައެވެ. ބައެއް ސިއްހީ އޮފިޝަލުން ވަނީ ޑޭޓާގެ ތަފާތުތައް ގަބޫލުކުރި ނަމަވެސް މިއީ ސިއްހީ އިޖާބައަށް ސަމާލުކަން ދޭންވީ ވަގުތު ކަމަށް ބުނެފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.