އެންމެ ޞާލިޙު އިންސާނާއަށްވެސް އެންމެންގެ ތާއީދެއް ނުލިބޭނެ: އިމްރާން
އެންމެ ޞާލިޙު އިންސާނާއަށްވެސް އެންމެންގެ ތާއީދެއް ނުލިބޭނެ ކަމަށް ހޯމް މިނިސްޓަރު އިމްރާން ވިދާޅުވެއްޖެއެވެ.
ސަރުކާރު ކޯލިޝަނުގެ އެއް ބައިވެރިޔާ، އަދާލަތު ޕާޓީގެ ރައީސް އިމްރާން މިހެން ވިދާޅުވެފައިވަނީ މިއަދު ހެނދުނު ކުރެއްވި ޓްވީޓެއްގައެވެ.
މިނިސްޓަރު އިމްރާން ވިދާޅުވީ އެންމެ ހެޔޮ ލަފާ، ޞާލިޙު އަދި ތަޤްވާވެރި އިންސާނާއަށްވެސް އެންމެންގެ ރުހުން ނުލިބޭނެ ކަމަށާއި، އެންމެ ނުބައި ޖައްބާރު މީހާއަށް އެންމެން ދެކޮޅުވެރިވެ، ނަފްރަތެއްވެސް ނުކުރާނެ ކަމުގައެވެ.
އަދި އާއްމު ގޮތެއްގައި، ހެޔޮ މީހުން ލޯބިވާނީ ހެޔޮ މީހުން ދެކެ ކަމަށާއި، ނުބައި މީހުން ލޯބިވާނީ ނުބައި މީހުން ދެކެ ކަމަށްވެސް ވިދާޅުވިއެވެ.
އިމްރާން މިހެން ވިދާޅުވިއިރު، މި އަހަރުގެ ރިޔާސީ އިންތިޚާބުގައި އެމްޑީޕީއާއެކުގައި ކޯލިޝަން ހެދުމަށް އަދާލަތު ޕާޓީން ވަނީ ނިންމައިފައެވެ. އެ ޕާޓީގެ މި ނިންމުމާ ގުޅިގެން، ބައެއް ދީނީ އިލްމުވެރިންގެ ފާޑުކިޔުންތައް އަމާޒުވެފައިވެއެެވެ.
މިނިސްޓަރު އިމްރާން ވިދާޅުވަނީ އަދާލަތުން ކަންކަން ނިންމަނީ ލައްކަ ހިސާބު ހެދުމަށް ފަހުގައި ކަަަމަށާއި، އެ ޕާޓީން ނިންމާނީ ޤައުމާ ދީނަށް އެންމެ ހެޔޮ ގޮތް ކަމަށެވެ.
އެކަމުތިބާގެ ގާގަ.ސޯލިހު އެއްމެސިފައެންވެސް ނެތީނު