ބޯޓެއްގައި އަލިފާނުގެ ހާދިސާއެއް، އެކަކު ގެއްލިގެން ހޯދަނީ

މ. އަތޮޅު ކައިރިން ދަތުރު ކުރަމުންދިޔަ ބޯޓެއްގައި އަލިފާން ރޯވެ، އެ ބޯޓުން ދަތުރުކުރި އެކަކު ގެއްލިއްޖެއެވެ.

Ads by Sosun Fihaara

މި ހާދިސާއާ ގުޅޭގޮތުން ޤައުމީ ދިފާޢީ ބާރުން ވިދާޅުވީ އަލިފާން ރޯވެފައިވަނީ މ. އަތޮޅު ތުވަރު ކައިރިން ދަތުރުކުރަމުން ދިޔަ "އާގަލާ" ކިޔާާ ބޯޓެއްގައި ކަމަށާއި އެއީ މާލެ ދަތުރު ކުރާ ބޯޓެއް ކަމަށެވެ.

އަލިފާން ރޯވުމާއެކު އެ ދޯނީގައި ތިބި މީހުން ވަނީ ކަނޑަށް ފުންމައިލައިފައެވެ. އެ މީހުން ހޯދުމުގެ މަސައްކަތް ކުރަމުން އަންނަކަމަށް އެމްއެންޑީއެފުން ވިދާޅުވިއެވެ.

އެ ހާދިސާގެ މަޢުލޫމާތު އެމްއެންޑީއެފަށް ލިބިފައިވަނީ ރޭ 02:4 ހާއިރު ކަމަށް އެ އިދާރާއިން ވަނީ ވިދާޅުވެފައެވެ.

އެމްއެންޑީއެފުން ވިދާޅުވީ އެ ބޯޓުގައި ތިބީ ފަސް ދިވެހިންނާއި ބަންގްލަދޭޝް އަށް ނިސްބަތްވާ ފަސް މީހުންނާއި އިންޑިއާގެ ފަސް މީހުން ކަމަށެވެ.

ހާދިސާގައި ގެއްލިގެން ހޯދަމުން އަންނަނީ އިންޑިއާ މީހެކެވެ.