ދެން ރެސިޕީ | ބޭކްޑް ބްރެޑް ރޯލްސް
ބޭނުންވާ ތަކެތި:
6 ފޮތި ޕާން
2 ސައި ސަމުސާ ތެޔޮ
1 ފިޔާ (ކުދިކޮށް ކޮށާފައި)
1 އަލުވި
1 ކެރެޓް
1/2 ސައިސަމުސާ ލޮނުމެދު (ގާނާފައި)
1/2 ސައިސަމުސާ އިނގުރު (ގާނާފައި)
1/2 މޭޒުމަތީ ސަމުސާ ޗިލީ ޕައުޑަރު
1/4 މޭޒުމަތީ ސަމުސާ ގަރަމް މަސާލާ
1 މޭޒުމަތީ ސަމުސާ ކޮރިއެންޑާ ފަތް (ކުދިކޮށް ކޮށާފައި)
1 މޭޒުމަތީ ސަމުސާ ތެޔޮ
ލޮނު ކޮޅެއް
ރީނދޫ ކޮޅެއް
ތައްޔާރުކުރާނެ ގޮތް:
އެންމެ ފުރަތަމަ ކެރެޓް، އަލުވި އަދި ކޮރިއެންޑާ ކުދިކޮށް ކޮށާލުމަށް ފަހު، މަޑުވަންދެން ފެނު ކައްކާށެވެ. ދެން ފެންގަނޑުގެ ތެރެއަށް ރީނދޫ ކޮޅު އަޅާލާށެވެ. ހުރިހާ އެއްޗެއް މަޑުވުމުން އަލުވި ރަނގަޅަށް މޮޑެ، އޭގެ ތެރެއަށް ފެނު ކެއްކި ތަރުކާރީތައް އަޅައި އެއްކޮށްލާށެވެ.
އެއަށް ފަހު ތަވަޔަކަށް ތެލާއި ފިޔާ، އިނގުރު އަދި ލޮނުމެދު އެޅުމަށްފަހު ފިޔާގަނޑު މީރުކޮށްލާށެވެ. ދެން އޭގެ ތެރެއަށް ކުރިން މޮޑުނު އަލުވި މަސްގަނޑު އެއްކޮށް، ޗިލީ ޕައުޑަރު އަދި ގަރަމް މަސާލާ އަޅައި ފަސް ވަރަކަށް މިނެޓު މަޑު ގިނީގައި ކައްކާލާށެވެ.
ބްރެޑް ރޯލްސް ތައްޔާރު ކުރުމަށް، ޕާން ފޮތީގެ އަރިމަތީ ކައިރި ކަފާލުމަށް ފަހު، ރޮށި ދަމަން ގެންގުޅޭ ރޯލަރުން ޕާން ފޮތިތައް ފަތުރައިލާށެވެ. އެއަށް ފަހު ޕާނުގައި ކުޑަ ބަޓަރުކޮޅެއް އުނގުޅުމަށް ފަހު، މޭޒުމަތީ ސަމުސަލެއްގެ މިންވަރަށް އަލުވި މަސްގަނޑު އަޅައި ރޯލް އަކަށް ވާގޮތަށް އޮޅާލައި ރަނގަޅަށް ބައްދާލާށެވެ.
ރޯލްގެ ވަށައިގެން ކުޑަ ތެޔޮފޮދެއް އުނގުޅުމަށް ފަހު 200 ޑިގްރީގައި 20 ވަރަކަށް މިނެޓު ވަންދެން ފިހެލާށެވެ.
