ސަފާގެ އުމްރާވެރިން މިއަހަރު އުމްރާއަށް ފޮނުވަން އިސްލާމިކް މިނިސްޓްރީން އަންގައިފި
އަލް-ސަފާ އުމްރާ ގްރޫޕުން އިއްޔެ އުމްރާއަށް ފުރަން މަސައްކަތް ކުރި އެންމެން ވެސް ވީހާ ވެސް އަވަހަކަށް މި ރޯދަ މަހުގެ ތެރޭގައި އުމްރާއަށް ފުރުވާލުމަށް އިސްލާމިކް މިނިސްޓްރީން މިރޭ އަންގައިފިއެވެ.
181 މީހުން އެ ގްރޫޕުން އުމްރާއަށްދާން ބުދަ ދުވަހު ޕްރީ ޗެކިން ވެސް ނިންމާފައިވަނިކޮށް، ނުފުރޭނެކަން ވަނީ އަންގާފައެވެ. ސައޫދީން އުމްރާ ވިސާ ދޫކުރާ ކުންފުނިން އެ ގްރޫޕަށް އެއްވެސް ވިސާ އެއް ދޫކޮށްފައި ނުވާތީ ފުރެން ނެތް ކަމަށް އެ ގްރޫޕްގެ ވައިބާ ކޮމިއުނިޓީ ގްރޫޕަށް މެސެޖެއް ފޮނުވާފައިވަނީ އިއްޔެ ފަތިހުއެވެ.
އިސްލާމިކް މިނިސްޓްރީއިން މިއަދު ނެރެފައިވާ ބަޔާނެއްގައި ވިދާޅުވީ، 3 މަސް ދުވަހަށް އުމްރާ ވިސާ ލިބޭއިރު ދުރާލާ ކުންފުނީގެ ފަރާތުން ވިސާގެ ކަންކަން ހަމަޖައްސާފައިނުވާކަން ފާހަގަކުރެވުނު ކަމަށާއި އުމްރާ ވިސާއަކީ ސައުދީ ސަރުކާރުން އެކަމަށް ހުއްދަ ދީފައިވާ އެޖެންސީތަކުން އުމްރާ ކުންފުނިތަކަށް ދޭ ހިދުމަތެއް ކަމަށެވެ. އެގޮތުން އެ ވިސާގެ ހިދުމަތް ހައްޖު ކޯޕަރޭޝަނުން ފޯރުކޮށްދޭ ކަމަށްވެސް މިނިސްޓްރީގެ ބަޔާނުގައި ބުނެފައިވެއެވެ.
އުމްރާވެރިންގެ އަތުން އިތުރު ފައިސާއެއް ނެގުމަކާއި ނުލައި ލަސްނުކޮށް ވީހާވެސް އަވަހަށް މި ރަމަޟާން މަހުގެ އުމްރާ ދަތުރަށް ފުރުމުގެ އިންތިޒާމު ހަމަޖެއްސުމަށް އަންގާފައިވާ ކަމަށާއި އެ މައްސަލައިގެ ކަންހިނގާ ދިޔަ ގޮތް ބަލަމުންދާ ކަމަށް އިސްލާމިކް މިނިސްޓްރީއިން ވިދާޅުވިއެވެ..
I’ve played this game fоr years. Ι love it.
Feel free tо visit my web site … bingo plus bingo live
ޑރ. ޢަނާރާވެސް ތީ ވަރައް އަޑިނުބަައި މީހެައް