އުރީދޫގެ ފޯރި ގަދަ ބޮކި ބޯޅަ މުބާރާާތް ނިންމައިލައިފި
އުރީދޫ މޯލްޑިވްސްއިން ރޯދަ މަހަށް ޚާއްސަކޮށްގެން އިންތިޒާމް ކުރި އުރީދޫ ބޮކި ބޯޅަ މުބާރާތުގެ ޗެމްޕިއަންކަން ށަވިޔަނި ޓީމުން ހޯދައިފިއެެވެ.
އުރީދޫގެ މި ފޯރިގަދަ މުބާރާާތް ނިންމައިލުމުގެ ހަފްލާ ބާއްވާފައިވަނީ، ހުކުރު ދުވަހުގެ ރޭގައެވެ.
އުރީދޫން ބުނީ ފައިނަލް މެޗުގައި ށަވިޔަނީ އާއި ބްރޯލާޒް ރޭޖް ފިޓްނަސް ބައްދަލުކުރި މެޗުން ޓީމް ޝަވިޔަނީ ޗެމްޕިއަންކަން ހޯދީ ޓީމް ބްރޯލާޒް އަތުން 1-0 އިން މޮޅުވެގެން ކަމަށެވެ.
މި މުބާރާތް ނިންމުމުގެ ރަސްމިއްޔާތު ގައި ވަނަ ހޯދި ޓީމުތަކަށް މެޑަލް އާއި ތަށީގެ އިތުރުން ފައިސާގެ އިނާމުގެ ރަމްޒީ ލިޔުން ހަވާލު ކުރައްވައިފައިވަނީ، މާޒިޔާ ސްޕޯޓްސް ކްލަބުގެ ވައިސް ޗެއާމަން އާއި އިބްރާހިމް ފަޔާޒް އަދި އުރީދޫ މޯލްޑިވްސްގެ މެނޭޖިން ޑިރެކްޓަރު އަދި ސީއީއޯ ޚާލިދު އަލް ހަމާދީއެވެ.
މި މަހުގެ ހަތް ވަނަ ދުވަހު ފެށި އެ މުބާރާތުގައި ބައިވެރިވި ޓީމުތަކުން ވާދަވެރި މެޗުތަކަކަށް ފަހު، ގަދަ ތިން ޓީމު ވަނީ ޖުމްލަ 35،000 ރުފިޔާގެ ފައިސާގެ އިނާމެއް ހޯދައިފައެވެ.
އެ މުބާރާތުގެ ޗެމްޕިއަންގެ ގޮތުގައި ށަވިޔަނިއަށް 20،000 ރުފިޔާ ލިބުނެވެ. އަދި ރަނަރަޕް ޓީމް ބްރޯލާޒްއަށް 10،000 ރުފިޔާ އަދި ތިން ވަނަ އަށް ހޮވުނު ޓީމު ކްރޮސްރޯޑްސް މޯލްޑިވްސް އަށް 5،000 ރުފިޔާ ވަނީ ދީފައެވެ.
އުރީދޫން ބުނީ، ކުރިއަށް އޮތް ރޯދަ މަހު ވެސް، މި މުބާރާާތް ކުރިއަށް ގެންދާނެ ކަމަށެވެ.
