އުމްރާއަށް ގޮސް އުޅެނިކޮށް ގެއްލުނު ދިވެހި މީހާ ފެނިއްޖެ
އުމްރާއަށް ގޮސް އުޅެނިކޮށް ގެއްލުނު ދިވެހި މީހާ ފެނިއްޖެއެވެ.
ގެއްލިގެން ހޯދަމުން ދިޔައީ ތާބިތް ހައްޖު އެންޑް އުމަރާ ގްރޫޕާއެކު އުމްރާއަށް ގޮސް އުޅުނު ހއ. ހޯރަފުށީ، ނޫވިލާގެ، ފާތިމަތު ވަހީދާއެވެ.
އެ ގްރޫޕުން ވިދާޅުވީ އޭނާ ގެއްލިގެން ހޯދަނީ، މޯބައިލް، ކާޑު އަދި ދަބަސް ކޮޓަރީގައި ބޭއްވުމަށް ފަހު އާއިލާގެ އެހެން މީހުންނާ އެކު ދަމުނަމާދަށް ގޮސް އުޅުމުގެ ތެރޭގައި އާއިލާގެ މެންބަރުންނާ ދުރަށް ދިއުމަށް ފަހު، އެނބުރި ހޮޓަލަށް ގޮސްފައި ނުވާތީ ކަމަށެވެ.
އަދި އޭނާ ނަމާދަށް ދިޔައީ ފިޔާތޮށިކުލައިގެ މާޖެހި، ދަނބުކުލައިގެ ހެދުމެއް ލައިގެން އަދި ކަޅުކުލައިގެ ބުރުގާއެއް އަޅައިގެން ކަމަށާއި މައްކާގައި ހުރި އެއްވެސް މީހަކަށް އޭނާ ފެނިއްޖެ ނަމަ، އެ ޖަމާއަތުގެ ހޮޓްލައިނަށް ގުޅައި އެކަން އަންގައިދޭން އެ ޖަމާއަތުން ވަނީ އެދިފައެވެ.
ފަހުން ފޭސްބުކްގައި ކުރި ޕޯސްޓެއްގައި އޭނާ ފެނިފައިވާކަން އެ ގްރޫޕުން ވަނީ ހާމަކޮށްފައެވެ.
