މުޢިއްޒުގެ ސުލޫކީ މައްސަލައެއް ބަލަމުން ނުދޭ: ހީނާ

ޕީޕީއެމްގެ ނައިބު ރައީސް ޑރ.މުޙައްމަދު މުޢިއްޒުގެ ސުލޫކީ މައްސަލައެއް ބަލަމުން ނުދާ ކަމަށް ޕީޕީއެމް-ޕީއެންސީގެ ތަރުޖަމާނު ހީނާ ވަލީދު ވިދާޅުވެއްޖެއެވެ.

Ads by STELCO

ހީނާ މިހެން ވިދާޅުވީ، ޕީޕީއެމްގެ ރިޔާސީ ކެންޑިޑޭޓަކަށް ވުމަށް، ކުރީގެ ހައުސިން މިނިސްޓަރު ކެމްޕެއިން ކުރައްވާ ކަމަށް ބުނެ، ރައީސް ޔާމީންގެ ޢާއިލާއިން ޕީޕީއެމަށް މައްސަލަ ހުށަހަޅާފައިވާ ކަމަށް "އެމްވީކްރައިސިސް"އިން ބުނުމާ ގުޅިގެންނެވެ.

މުޢިއްޒު އާއި، އާދަމް ރަމީޒުގެ މައްސަލަ ޕީޕީއެމްގެ ސުލޫކީ ކޮމެޓީން ބަލަން ފަށާނެ ކަމަށްވެސް، އެމްވީކްރައިސިސްގައި ބުނެފައިވެއެވެ.

މި ވާހަކަ ހީނާ ވަނީ ދޮގު ކުރައްވައިފައެވެ.

"ވީޕީ މުޢިއްޒުގެ ސުލޫކީ މައްސަލައެއް ކޮމިޓީން ބަލާ ކަމަށް ބުނެ ދެކެވޭ ވާހަކަ އަކީ ހަޤީޤަތެއް ނޫން"

ރައީސް ޔާމީނަށް ޕީޕީއެމްގެ ރިޔާސީ ޓިކެޓު އަރުވައިފައިވާއިރު، އެމަނިކުފާނު ގެންދަވަނީ، މާފުށީ ޖަލުގައި 11 އަހަރުގެ ޖަލު ޙުކުމެއް ތަންފީޒު ކުރައްވަމުންނެވެ. އެމަނިކުފާނަށް އިއްވި ޙުކުމް ހައިކޯޓުގައި އިސްތިއުނާފު ކޮށްފައިވާއިރު، މި މައްސަލައިގެ އަޑުއެހުންތައް އަދި ނުފަށައެވެ.

ރައީސް ޔާމީނަށް މި އަހަރުގެ ރިޔާސީ އިންތިޚާބުގައި ވާދަ ކުރެއްވޭނީ، އެމަނިކުފާނަށް އިއްވައިފައިވާ ޖަލު ޙުކުމް ބާޠިލު ކޮށްފިނަމައެވެ.