އިއްޔެ ވެސް، މިއަދު ވެސް މި ހުރީ ރައީީސް ޔާމީނާއެކު: ޣައްސާން
އިއްޔެވެސް، މިއަދުވެސް އަދި މާދަމާ ވެސް ހުންނަވާނީ، އިދިކޮޅު ލީޑަރު، ރައީސް ޔާމީން އަބްދުލްޤައްޔޫމާ އެކުގައި ކަމަށް ޕީޕީއެމްގެ ނައިބު ރައީީސް، އަދި ތ.ގުރައިދޫ ދާއިރާގެ މެމްބަރު މުޙައްމަދު ޣައްސާން މައުމޫން ވިދާޅުވެއްޖެއެވެ.
އިއްޔެ އިދިކޮޅުން ބޭއްވި ނޫސްވެރިންގެ ބައްދަލުވުމުގައި ޣައްސާން ވިދާޅުވީ، އޭނާ ހުންނެވީ ރައީސް ޔާމީނާއެކުގައި ކަމަށެވެ.
"ރައީސް ޔާމީން ދެއްކެވި މަގަކުން ނޫނީ އަޅުގަނޑު ނުހިނގާނަން." ޣައްސާން ވިދާޅުވިއެވެ.
މި އަހަރުގެ ސެޕްޓެމްބަރު މަހުގެ ނުވަ ވަނަ ދުވަހު ރިޔާސީ އިންތިޚާބު ބާއްވަން ހަމަޖެހިފައިވާއިރު، އިދިކޮޅުގެ ރިޔާސީ ކެންޑިޑޭޓް، ރައީސް ޔާމީން ގެންދަވަނީ 11 އަހަރުގެ ޖަލު ޙުކުމެއް ތަންފީޒު ކުރައްވަމުންނެވެ. އެއާއެކު އިދިކޮޅުގެ ރިޔާސީ ކެންޑިޑޭޓް ކަށަވަރު ނުވާ ކަމަށާއި، މިކަމާ ގުޅިގެން ޕީޕީއެމް-ޕީއެންސީގެ ތެރޭގައި ދެބަސްވުން އުފެދި، ބައިބައި ވެފައިވާ ކަމަށް ވާދަވެރިން ދަނީ ބުނަމުންނެވެ.
ނަމަވެސް އިދިކޮޅު ކޯލިޝަނުން ބުނަމުން ދަނީ، އެ ކޯލިޝަން އޮތީ ބަދަހިކޮށް، ރައީސް ޔާމީންގެ ފަހަތްޕުޅުގައި ކަމަށެވެ.
އެކަމަކު އެކަލޭގެ އެއޮތީ ޖަލުގަ! މިކަލޭގެ ގަނޑުވަރުގަ! އެކަމަކު އެކަލޭގެ ކައިރީގަޔޯ މިއޮތީ!
ހަމަ ހުރިކަން ޙަރަކާތެއް ނެތް