ގެއްލިގެން ހޯދަމުން ދިޔަ ލޯންޗު ފެނިއްޖެ، މީހުންގެ ހާލު ރަނގަޅު

ގިނަ އަދަދެއްގެ މީހުން ގޮވައިގެން މާލެއިން ދ. އަތޮޅަށް ދަތުރު ކުރި ލޯންޗު މިހާރު ފެނިފައިވާ ކަމަށާއި މީހުންގެ ހާލުވެސް ރަނގަޅު ކަމަށް އެމްއެންޑީއެފުން ވިދާޅުވެއްޖެއެވެ.

Ads by MWSC

މާލެއިން ދ. މީދޫއަށް ދަތުރުކުރަމުންދިޔަ ލޯންޗެއް ފ. ފީއަލި ބޭރުން ރާޅެއް އަރައި ދިޔަވާތީ ކޯސްޓްގާޑުން ހަރަކާތްތެރިވާން ފަށާފައިވަނީ ހަވީރުގެ ވަގުތެއްގައެވެ.

އެ ލޯންޗުގައި 30 މީހުން ތިބި ކަމަށް އެމްއެންޑީއެފުން މަޢުލޫމާތު ދިނެވެ.

އެމްއެންޑީއެފުން ބުނީ،، އެ ލޯންޗުގައި ތިބި މީހުންގެ ހާލު ރަނގަޅުކަމަށާއި، އެމްއެންޑީއެފްގެ ހާބަރ ކްރާފްޓް ކުޑައިރުކޮޅަކުން ލޯންޗާ ކައިރިކުރެވޭނެ ކަމަށެވެ.

އަދި މިހާރު އެ ލޯންޗު ފ. މަގޫދޫ ކައިރިން އަތޮޅަށް ވަންނަން ދަތުރުކުރަމުންދާ ކަމަށް އެމްއެންޑީއެފުން ބުންޏެވެ.