ތޮއްޑޫ ދާއިރާގެ މެންބަރު ޝިޔާން އެމްޑީޕީން ވަކިވެއްޖެ

ތޮއްޑޫ ދާއިރާގެ މެންބަރު ހަސަން ޝިޔާން އެމްޑީޕީން ވަކިވެއްޖެއެވެ.

Ads by STELCO

މިކަން ޝިޔާން ވަނީ "ދެން"އަށް ކަަށަވަރުކޮށްދެއްވާފައެވެ. ޝިޔާންއަކީ ރައީސް ނަޝީދުގެ ފިކުރެއްގެ ދިރުމުގައި އިސްކޮށް ހަރަކާތްތެރިވަމުން އަންނަ މެންބަރެކެވެ.

ފިކުރެއްގެ ދިރުމުގެ ޚާއްސަ ނޫސްވެރިންގެ ބައްދަލުވުމެއް މިއަދު ފަހެއް ޖަހާއިރު އޮންނާނެ ކަމަށް އެ ފަރާތުން ވަނީ ހާމަކޮށްފައެވެ. މައުލޫމާތު ލިބިފައިވާ ގޮތުގައި އިތުރު މަޖިލިސް މެންބަރުން އެމްޑީޕީން ވަކިވާން ވަނީ ނިންމާފައެވެ.

ޝިޔާން އެމްޑީޕީން ވަކިވާން ނިންމާފައިވަނީ، ފިކުރެއްގެ ދިރުމުގައި އިސްކޮށް ހަރަކާތްތެރިވާ، މެދު ހެންވޭރު ދާއިރާގެ މެންބަރު އަލީ އާޒިމް އެމްޑީޕީން އިއްޔެ ވަކިކޮށްފައިވަނިކޮށެވެ. އާޒިމްގެ ދިފާއުގައި ރައީސް މުޙައްމަދު ނަޝީދާއި، އެމަނިކުފާނަށް ތާއީދު ކުރާ މެންބަރުން ދަނީ ވާހަކަފުޅު ދައްކަވަމުންނެވެ.