މަޖިލީހުގެ ނައިބު ރައީސް ކަމުގެ މަގާމުން އިސްތިއުފާ ނުދޭނަން: އީވާ
މަޖިލީހުގެ ނައިބު ރައީސް ކަމުގެ މަގާމުން އިސްތިއުފާ ނުދެއްވާނެ ކަމަށް ގަލޮޅު އުތުރު ދާއިރާގެ މެމްބަރު އިވާ އަބްދުالله ވިދާޅުވެއްޖެއެވެ.
އީވާ މިފަދައިން ވިދާޅުވީ ރައީސް ނަޝީދުގެ ފެކްޝަންގައި އިސްބޭފުޅުންތަކެއް އެމްޑީޕީން ވަކިވުމާއި ގުޅިގެން ފިކުރެއްގެ ދިރުންސިޔާސީ ހަރަކާތުން މިހާރު ބާއްވަމުންގެންދަވާ ނިއުސްކޮންފަރެންސްގައި ވާހަކަފުޅުދައްކަވަމުންނެވެ.
ނޫސްވެރިއަކު ކުރެއްވި ސުވާލަކަށް ޖަވާބު ދެއްވަމުން ވިދާޅުވީ މަޖިލީހުގެ ނައިބު ރައީސް ކަމުގެ މަގާމުން އިސްތިއުފާ ނުދެއްވާނެ ކަމަށެވެ.
“އަޅުގަނޑު އިސްތިއުފާ ނުދޭނަން. އަޅުގަނޑު ސާފުކޮށް އެއްވެސް އެއްޗެއް ނުދަންނަވާކަށް ނޫޅެން. އިސްތިއުފާއެއް ނުދޭނަން. އަޅުގަނޑު މި ދަންނަވާ ވާހަކައަކީ އަޅުގަނޑުގެ މަގާމު ދިފާއު ކުރާކަށް ސިޔާސީ ބޮޑު ކަސްތޮޅެއްގަ ނީންނާނަމޭ” އީވާ ވިދާޅުވިއެވެ.
އީވާ މިފަދައިން ވިދާޅުވެފައިވާއިރު މަޖިލީހުގެ ނައިބު ރައީސްކަމުން އީވާ ވަކިކުރަން ސޮއި ހަމަކުރުމުގެ މަސައްކަތް އެމްޑީޕީގެ ޕާލަމެންޓްރީ ގްރޫޕުން މިހާރު ވަނީ ފަށައިފައެވެ. ނަމަވެސް މި މައްސަލަ މަޖިލީހަށް ވައްދާނެ ދުވަހެއް އެނގިފައެއް ނުވެއެވެ.
ނަޝީދާ އެކު ރައްޔިތުންގެ މަޖިލީހުގައި ހިމެނިވަޑައިގަންނަވާ 12 މެމްބަރަކު މިއަދު ވަނީ އެމްޑީޕީން ވަކިވެވަޑައިގެންފައެވެ. މި މެމްބަރުން ޕާޓީ ދޫކޮށްލެއްވީ، މެދު ހެންވޭރު ދާއިރާގެ މެމްބަރު އަލީ އާޒިމް ޕާޓީން ވަކިކޮށް، އިތުރު ހަތަރު މެމްބަރަކު ވަކިކުރަން ފަހު އިންޒާރު ދީފައި ވަނިކޮށެވެ. އާޒިމް ޕާޓީން ވަކިކުރީ ބަންޑާރަ ނައިބު އިބްރާހިމް ރިއްފަތުގެ އިތުބާރު ނެތްކަމުގެ މައްސަލައިގައި ސޮއިކުރުމުންނެވެ.
ނަޝީދު ވިދާޅުވެފައި ވަނީ އެ މެމްބަރުންނާ މެދު ޕާޓީން ފިޔަވަޅު އެޅީ އަސާސީ ގަވައިދާ ޚިލާފަށް ކަމަށެވެ. އިސްތިއުފާ ދެއްވި ބޭފުޅުންގެ ތެރޭގައި އެ ޕާޓީގެ ނައިބް ރައީސް މުހައްމަދު ޝިފާޒު އާއި އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރު ވެސް ހިމެނެއެވެ.
އީވާ ބޭނުންހާ ގޮތެއް ނެހެދޭނެ އިސްތިއުފާ ވެސް ދޭންޖެހޭނެ ރައްޔިތުން ބޭނުންވާ މީހަކަށް ތިޔަމަޖިލިސް ގޮނޑިއެއްގައި ހުރެވޭނީ ނައިބު ރައީސުކަމުގައި ހުރެވޭނީ އަޢުލަބިއްޔަތު ލިބިގެން !
ކަލޭ ހީކުރީ ކަލޭ ތިތަނުން ބޭރުވާނީ އިސްތިއުފާ ދީގެން ކަމަށްތަ! ހުތުރު ގޮތުގަ މީސްތަކުންގެ ނުރުހުމާ މަލާމާތާ އެކުގަ ތިތަނުން ބޭރުކޮށްލާނީ!!!