އޭޖީގެ އިތުބާރު ނެތްމައްސަލައިގައި ވޯޓަށް ނާަހަނީ ބިރުން: ރޮޒައިނާ
ބަަންޑާރަ ނައިބު އިބްރާހީމް ރިފްޢަތުގެ އިތުބާރު ނެތް މައްސަލައިގެ ވޯޓު، ރައްޔިތުންގެ މަޖިލީހުގައި ނުނަގައި، ލަސް ކުރަނީ ބިރުން ކަމަށް އައްޑޫ މީދޫ ދާއިރާގެ މެމްބަރު، ޮރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ، ބަންޑާރަ ނައިބު ރިފްޢަތުގެ އިތުބާރު ނެތްކަމުގެ މައްސަލަ ކުރިއަށް ގެންދާނެ ގޮތަކާމެދު ރައްޔިތުންގެ މަޖިލީހުގައި ތިއްބަވާ ސިޔާސީ ޕާޓީތަކުގެ ލީޑަރުންނަށް އެއްބަސްނުވެވޭތީ ސުޕްރީމް ކޯޓުގެ އިސްތިޝާރީ ލަފައެއް ބޭނުންވާކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވުމާ ގުޅިގެންނެވެ.
މައްސަލައިން ދިފާޢުވުމަށް ރިފްޢަތު ލިޔުމުން ޖަވާބު ދެއްވިއިރު، އެއީ ޤާނޫނު އަސާސީން، ވަޒީރުންނަށް ލިބިދޭ ޙައްޤެއް ކަމަށާއި، އަނގަބަހުން ނުވަތަ ބޭނުންފުޅުވެލައްވާނަމަ، ލިޔުމުން ވެސް ޖަވާބު ދެއްވޭނެ ކަމަށް ރޮޒައިނާ ވިދާޅުވިއެވެ.
"ކުއްލިއަކަށް މިއަދު، އަނގަ ބަހުންނާއި، ލިޔެކިޔުމުން. ޤާނޫނު އަސާސީގަ، އަނގަ ބަހުންނާ ލިޔެކިޔުމުންނޭ ޖަހާފަ މިއޮތް ބޭނުމަކީ، އެ ވަޒީރަކަށް އެ ޙައްޤު، އެންމެ ފުރިހަމަ ގޮތުގައި ދިނުމަށްޓަކާ."
ިމަޖިލީހުގެ ރައީސް މުޙައްމަދު ނަޝީދަށް ފާޑުވިދާޅުވެ، ރޮޒައިނާ ވިދާޅުވީ، ހެނދުނު މަޖިލިސް މެދުކަނޑައިލީ، އޭޖީ ރިފްޢަތުގެ ވަގުތަށް ހަދާނެ ގޮތެއް ނޭނގިގެން ކަމަށާއި، މެދުކެނޑުމަކަށް ފަހު ފަށައި، ޤާނޫނު އަސާސީ މާނަ ކުރަން ނޭނގިގެން ވާހަކަ ދެއްކި ކަމަށެވެ.
"ވަރަށް ސާފުކޮށް އެބަ އެނގޭ، ބޭނުންފުޅުވެލައްވަނީ ކޮން ކަމެއްކަން. މިއަދު މި ވޯޓު ނެގުނަ ނުދޭން ބޭނުންވަނީ. 44 މެމްބަރުންގެ ވޯޓު އެބަ ބޭނުންވޭ."
ވަޒީރެއްގެ އިތުބާރު ނެތްކަމަށް ފާސް ވާނީ މަޖިލީހުގެ ޖުމްލަ މެންބަރުންގެ އަޣުލަބިއްޔަތު ލިބިގެންނެވެ.
އެއީ މަޖިލީހުގެ 87 މެމްބަރުންގެ ތެރެއިން 43 މެމްބަރުންގެ ވޯޓުންނެވެ. މަޖިލީހުގައި މިވަގުތު ތިބީ އެމްޑީޕީގެ 55 މެންބަރުން، ވަކި ޕާޓީއަކަށް ނިސްބަތްނުވާ 17 މެންބަރުން، ޕީޕީއެމްގެ 5 މެންބަރުން، ޕީއެންސީގެ 3 މެންބަރުން، އެމްއެންޕީގެ 3 މެންބަރުން، ޖޭޕީގެ 2 މެންބަރުން އަދި އެމްޑީއޭގެ 2 މެންބަރުންނެވެ.
ު
ރިފްއަތު ޖަވާބުދާރީ ވުމަށް މަޖިލީހުންދެވިފައިވާ ނޯޓިސް އަށް ރިފައްތު އެއްވެސް ވަރަކަށް ޖަވާބުދާރީ ވެފަ ނެތުމުން މަޖިލީސުން ޖެހޭނީ ދެވެނަ ސިޓީއެއް އެޓަރނީޖެނެރަލް އަށް ފޮނުވަން އޭގަ ޖަވާބުދާރީވާންޖެހޭ ސުވާލުތައް ހިމަނަން ވެސް ޖެހޭނެ