ސްޓޫޑަންޓް ލޯނަށް ކުރަމަތިލި ކުދިންގެ ތެރެއިން ޝަރުތު ހަމަވާ ހުރިހާ ކުދިންނަށް ލޯން ދޫކުރަން ނިންމައިފި
މިއަހަރު ސްޓޫޑަންޓް ލޯނަށް ކުރަމަތިލި ކުދިންގެ ތެރެއިން ޝަރުތު ހަމަވާ ހުރިހާ ކުދިންނަށް ލޯން ދޫކުރަން ރައީސް އިބްރާހިމް މުހައްމަދު ސޯލިހް ނިންމަވަައިފިއެވެ.
ރައީސުލްޖުމްހުރިއްޔާގެ އޮފީހުގެ ތަރުޖަމާން މިއުވާން މުހައްމަދު ވިދާޅުވީ ސްޓޫޑެންޓް ލޯނަށް މިއަހަރު ކުރިމަތިލި ދަރިވަރުންގެ ތެރެއިން ލޯނުގެ ޝަރުތު ފުރިހަމަވި ހުރިހާ ދަރިވަރުންނަށް ލޯން ދޫކުރުމަށް ރައީސުލްޖުމްހޫރިއްޔާ ނިންމަވާފައިވާ ކަމަށާއި އިތުރު ތަފްސީލް މާދަމާ ހަޔަރ އެޑިއުކޭޝަން މިނިސްޓްރީއިން އިއުލާންކުރައްވާނެ ކަމަށެވެ.
މިކަމާއި ގުޅޭގޮތުން ރައީސް ޞާލިޙް ވިދާޅުވީ މިއަހަރު ސްޓޫޑެންޓް ލޯނަށް ކުރިމަތިލި ކުދިންގެ ތެރެއިން ޝަރުޠު ހަމަވި 1225 ކުދިންނަށްވެސް ލޯން ދޭން ނިންމާފައިވާ ކަމަށެވެ.
އަދި މިއަހަރު މި ދޭ 1225 ލޯނާ އެކު، މި ސަރުކާރުން ފެށި ސްޓޫޑެންޓް ލޯން ސްކީމްގެ ދަށުން، މިހާތަނަށް ދޫކުރި ސްޓޫޑެންޓް ލޯންގެ ޖުމުލަ 3211 އަށް އަރާނެ ކަމަށް ރައީސް ޞާލިޙް ވިދާޅުވިއެވެ.
