ކަނޑުން ބައެއް ގެއްލުނު މައްސަލަ އުފަންވީ، ސިއްރު ސިޓީގެ ސަބަބުން: ބޮންޑޭ
ދިވެހިރާއްޖޭގެ ކަނޑުން ބައެއް ގެއްލުނު މައްސަލަ އުފަންވީ، ރައީީސް އިބްރާހީމް މުޙައްމަދު ޞާލިޙުގެ ސިއްރު ސިޓީގެ ސަބަބުން ކަމަށާއި، މި މުޅި މައްސަލައިގެ އަސްލަކީ އެއީ ކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު(ބޮންޑޭ) ވިދާޅުވެއްޖެއެވެ.
ރާއްޖެ-މޮރިޝަސް ކަނޑުގެ ސަރަޙައްދުން ފުށުއަރާ ހިސާބުގެ އިން ކަނޑައެޅި މައްސަލައިގައި، ޗެނަލް13ގެ "ވިއްކާލި މަސްކަނޑު" ޕްރޮގްރާމްގައި ބޮންޑޭ ވިދާޅުވީ، މޮރިޝަސްގެ ބޮޑުވަޒީރަށް، ރައީސް ޞާލިޙު ފޮނުއްވި ސިއްރު ސިޓީ، ރައްޔިތުންގެ މަޖިލީހާވެސް މިހައިތަނަށް ހިއްސާ ކުރައްވައިފައި ނުވާ ކަމަށެވެ.
"އެއީ، ނެތް ޤައުމެއް، ޤައުމަކަށް ހެދީ ވެސް، ނެތް އިޤްތިޞާދީ ސަރަހައްދުތައް ހަދައިގެން ވެސް މި އުޅެނީ، އެ ސިޓީއެއް އަޅުގަނޑުމެންނަކަށް ހާމައެއް ނުކުރޭ."
ބޮންޑޭ ވިދާޅުވީ، މި މައްސަލައިގައި ބަންޑާރަ ނައިބު އިބްރާހީމް ރިފްޢަތު މަޖިލީހަށް ހާޒިރު ކުރެއްވުމުން ވެސް، އެ ސިޓީ ހާމަކުރެއްވުމުގެ ބަދަލުގައި އުޅުއްވީ، މަސްކަނޑު ވިއްކައިނުލާކަމަށް ދައްކަވަން ކަމަށެވެ.
ޗާގޯސްގެ ކަނޑުގެ ސަރަހައްދާއި ރާއްޖޭގެ އިޤްތިޞާދީ ސަރަހައްދާއި ފުށުއެރުން ހުރި މައްސަލައިގައި، ބައިނަލްއަޤްވާމީ ޓްރައިބިއުނަލަށް މޮރިޝަސްގެ ފަރާތުން ރާއްޖެއާއި ދެކޮޅަށް މައްސަލަ ހުށައަޅައިގެން މި މައްސަލަ ކުރިއަށްދަނިކޮށް، 2022 އޮގަސްޓް 22 ވަނަ ދުވަހު މޮރިޝަސްގެ ބޮޑު ވަޒީރަށް ރައީސް ޞާލިޙު ،މޮރިޝަސްއަށް ޗާގޯސްގެ ސިޔާދަތީ ބާރު ލިބިގެންވާކަމަށް ލިޔުއްވައި ސިޓީއެއް ފޮނުއްވި މައްސަލައިގައި، އިދިކޮޅު ޕާޓީތަކުން ވަނީ އެކުގައި މަސައްކަތް ކުރުމަށް ކޯލިޝަނެއް ހަދައިފައެވެ.
އަނގައަރުވައަރުވަ ތިބެންޖެހޭނީ. ސިޓީއަކާ އަޅައިގެނެގެން ތިހެންތެޅިތެޅި ތިއްބާ ތަޅާ ބަލިކުޜާނީ ވޯޓުން ﷲ އިރާދަކުރެއްވިއްޔާ.