ކަލްޓް ސިފަ ކެނޑުމުން، ޕާޓީއާ ގުޅޭ މީހުން އިތުރުވާނެ: ރޮޒައިނާ
ވެރިކަން ކުރާ މައި ޕާޓީ، އެމްޑީޕީން މިހާރު ދަނީ ކަލްޓް ސިފަ ކެނޑެމުން ކަމަށާއި، އެހެންކަމުން ދެން ޕާޓީއާ ގުޅޭ މެމްބަރުން އިތުރުވާނެ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
ރޮޒައިނާ މިފަދައިން ވިދާޅުވީ، އެމްޑީޕީގެ މެމްބަރޝިޕް އިތުރުކުރުމުގެ މަސައްކަތުގެ ތެރެއިން 12 ދާއިރާ އަކުން އެޕާޓީއާ އަލަށް ގުޅުން 2،500 މެމްބަރުންގެ ފޯމު ޙަވާލުކުރުމާއި ގުޅިގެން ކުރެއްވި ޓްވީޓެއްގައެވެ.
ރޮޒެއިނާ ވިދާޅުވީ މިއަހަރުުގެ ރިޔާސީ އިންތިޚާބު އެމްޑީޕީ އެއްބުރުން ކާމިޔާބު ކުރާނެ ކަމަށެވެ.
އެމްޑީޕީގެ ތެރޭގައި ބައިބައިވުން އުފެދި، ރައީސް މުޙައްމަދު ނަޝީދުގެ ފެކްޝަނުން ޕާޓީއާ ވަކިވީ، ރިޔާސީ ޕްރައިމަރީން ރައީސް އިބްރާހީމް މުޙައްމަދު ޞާލިޙު، ރައީީސް ނަޝީދު ބަލިކޮށް އިންތިޚާބު ކާމިޔާބުކޮށް ޓިކެޓް ހޯއްދެވި ހިސާބުންނެވެ.
ރައީސް ނަޝީދު އިސްވެ ހުންނަވައި އައު ސިޔާސީ ޕާޓީ، "ދަ ޑިމޮކްރެޓްްސް" އުފައްދަން އީސީއަށް ވަނީ ހުށަހަޅައިފައެވެ. އެ ޕާޓީ އުފެއްދުމުގައި އިސްކޮށް އުޅުއްވާ، ގަލޮޅު އުތުރު ދާއިރާގެ މެމްބަރު އީވާ ވިދާޅުވީ، ޑިމޮކްރެޓްސް އަކީ ރާާއްޖޭގެ އެންމެ ބޮޑު އެއް ސިޔާސީ ޕާޓީއަށް ވެގެންދާނެ ކަމަށެވެ.
