ބަހަކާއި ސައިކަލެއް ޖެހި ހިނގި އެކްސިޑެންޓްގައި އަނިޔާވި މީހާ ވެންޓިލޭޓަރުގައި

ހުޅުމާލެ ފޭސް 2 ގައި އެމްޓީސީސީގެ ބަހަކާއި ސައިކަލެއް ޖެހި މީގެ 3 ދުވަސް ކުރިން ހިނގި އެކްސިޑެންޓުގައި އަނިޔާވި މީހާގެ ހާލު ސީރިއަސްވެ މިހާރު ފަރުވާ ދެމުންދަނި ވެންޓީލޭޓަރުގައި ކަމަށް އައިޖިއެމްޗްއިން ބުނެފިއެވެ.

Ads by Hajj Corporation

އުލޫމާތު ލިބިފައިވާ ގޮތުގައި ހާލު ސީރިއަސްވެ ފަރުވާ ދެމުންދަނީ ގދ. މަޑަވެލީގެ މީހަކަށެވެ. އަދި އޭނާއަކީ އުމުރުން 20 އަހަރުގެ ފިރިހެނެއް ކަމަށްވެސް ވަނީ އެނގިފައެވެ. އެކްސިޑެންޓަށްފަހު އޭނާއަށް އެންމެ ފުރަތަމަ ފަރުވާ ދީފައިވަނީ ހުޅުމާލެ ހޮސްޕިޓަލުގައެވެ. އޭނާއަށް ލިބިފައިވާ އަނިޔާގެ ތަފްސީލެއް އައިޖީއެމްއެޗްއިން ހާމަ ކޮށްފައެއް ނުވެއެވެ.