ރައީސް ޞާލިޙް ހުންނެވީ ހުރިހާ އިދާރާއެއް ހިސޯރު ކުރައްވައިގެން: ހަސަން ލަތީފް
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހުންނެވީ ހުރިހާ އިދާރާއެއް ހިސޯރު ކުރައްވައިގެން ކަމަށް ދަ ޑިމޮކްރެޓސް އުފެއްދެވުމުގައި މަސައްކަތްކުރައްވާ ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު ހަސަން ލަތީފު ވިދާޅުވެއްޖެއެވެ.
ރައީސް ނަޝީދު އިސްވެ ހުންނަވައިގެން އަލަށް އުފެެއްދި ޕާޓީ “ދަ ޑިމޮކްރެޓްސް”ގެ ރެޖިސްޓްރީ ދޫނުކޮށް އިލެކްޝަން ކޮމިޝަނުން ލަސްކުރާތީ އެ ޕާޓީގެ މެމްބަރުން މިހާރު ވަނީ ކޮމިޝަނަށް ވަޑައިގެންފައެވެ.
އެ ސަރަހައްދުން ނޫސްވެރިންނާ ބައްދަލުކުރައްވާ ދެއްކެވި ވާހަކަފުޅުގައި ލަތީފް ވިދާޅުވީ ކޮމިޝަނަށް ހުށަހެޅި 3000 ފޯމު އަލުން ބައްލަވާނެ ކަމަށް ެިލެކްޝަނުން މަސައްކަތްކުރި ނަމަވެސް އެ މައްސަލަ އެއްވެސް އިދާރާއަކަށް ނުޖައްސަވާނެ ކަމަށެވެ.
“ އިދާރާއަކަށް ހުށަހެޅުމަށް އަޅުގަނޑުމެން ބޭނުމެއް ނުވޭ. އެއީ މިވަގުތު ރައީސް ޞާލިޙް އެ ހުންނެވީ ހުރިހާ އިދާރާތަކެއް ހިސޯރުކޮށްގެން. ރައީސް ޞާލިޙްގެ ހުދުމުހުތާރު ވެރިކަމުގެ ތެރެއިން އެކަންކަން ކުރައްވައިގެން އެ ހުންނެވީ” ލަތީފް ވިދާޅުވިއެވެ.
ލަތީފް ވިދާޅުވީ އެ ޕާޓީން މަޑުކުރައްވާނީ އިލްޝަން ކޮމިޝަނުގައި ކަމަށެވެ. އަދި ޕާޓީ ރެޖިސްޓްރީ ކުރުމަށް ބާއްވާ ޖަލްސާ ބޭއްވުމުގެ ހުއްދަ ލިބެންދެން މަޑުކޮށްގެން ތިބޭނެ ކަމަށާއި ތަކުރާރުކޮށް ކޮމިޝަންގެ މެމްބަރުންނަށް އެކަން ކޮށްދެއްވުމަށް ދަންނަވާނެ ކަމަށް ވެސް ލަތީފް ވިދާޅުވިއެވެ.
