މޮސްޓާ ރައީީސް ނަޝީދަށް: 8 ފެބްރުއަރީ ތަކުރާރު ނުކުރާތި
2012 ވަނަ އަހަރުގެ ފެބްރުއަރީ މަހުގެ 08ވަނަ ދުވަހު، ޢަމަލުކުރެއްވި ގޮތް ތަކުރާރު ނުކުރެއްވުމަށް، ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެމްބަރު، މޮސްޓާ، ރައީސް މުޙައްމަދު ނަޝީދަށް ގޮވައިލައްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން މޮސްޓާ މިފަދައިން ވިދާޅުވެފައި ވަނީ، ޤައުމުގެ މަސްލަހަތަށްޓަކައި ކަމަށް ވިދާޅުވެ، ރައީސް ނަޝީދު މިއަދު މަޖިލީހުގެ ރިޔާސަތާ ޙަވާލުވެވަޑައިގެންނެވުމުންނެވެ.
މޮސްޓާ ވަނީ، ރައީސް ނަޝީދުގެ ވެރިކަމުގައި އަމިއްލަފުޅަށް އިސްތިއުފާ ދެއްވި ހަނދާންތައް އައު ކުރައްވައި، އެކަން ތަކުރާރު ނުކުރަން އެދިވަޑައިގެންފައެވެ.
ރައީސް ނަޝީދު ރައީސްކަމުން އިސްތިއުފާ ދެއްވީ، 2012 ވަނަ އަހަރުގެ ފެބްރުއަރީ މަހުގެ 07 ވަނަ ދުވަހުއެވެ. އޭގެ އަނެއް ދުވަހު، ރާއްޖޭގެ އެކި ކަންކޮޅުތަކުގައި ހުޅު ޖަހައި، ދަޢުލަތުގެ ބައެއް މުދަލަށް ގެއްލުން ދީފައިވެއެވެ. މޮސްޓާ މިއަދު ރައީސް ނަޝީދަށް ގޮވައިލެއްވީ، "ބޮޑުހުޅު" ޖެހި ދުވަސް ތަކުރާރު ނުކުރުމަށެވެ.
"މަޖިލީހުގެ ރިޔާސަތުގައި އިންނަވާ ބޭފުޅާ، އަތުން ސިޓީއެއް ލިޔުއްވައިފައި، ޤައުމަށްޓަކައޭ ކިޔާފައި، އިސްތިއުފާ ދެއްވާފަ، އެ ދުވަހު ކަންތައް ކުރި ގޮތަށް، މާދަމާ ކަންތައް ނުކުރައްވައްޗޭ."
ރައީީސް ނަޝީދުގެ އިތުބާރު ނެތް މައްސަލަ މަޖިލީހަށް ހުށަހަޅަން ސޮއިކުރެއްވި 54 މެމްބަރުންގެ ތެރޭގައި ރައީީސް ނަޝީދު ވެސް ހިމެނިވަޑައިގަންނަވައެވެ.
Ads by STO
