ރާއްޖޭގައި ބާއްވާ ފެންވަރަށް އެހެން ޤައުމެއްްގައި އިންތިހާބު ނުބޭއްވޭނެ: އީސީ
ރާއްޖޭގައި ބާއްވާ ފެންވަރަށް އެހެން ޤައުމެއްްގައި އިންތިހާބު ނުބޭއްވޭނެ ކަމަށް އިލެކްޝަންސް ކޮމިޝަނުގެ ނައިބު ރައީސް އިސްމާއިލް ހަބީބު ވިދާޅުވެއްޖެއެވެ.
ހަބީބު ވިދާޅުވީ ދުނިޔޭގެ ވަރަށް ގިނަ ގައުމުތަކުގެ އިންތިހާބުތައް އޮބްޒާވްކޮށްފައިވާ ކަމަށާއި ނަމަވެސް ރާއްޖޭގައި އިންތިހާބުތައް ބާއްވާ ފެންވަރަށް ނުބޭއްވޭ ކަމަށެވެ.
އަދި ރާއްޖޭގައި އޮތް ފަދަ އިންތިހާބީ ނިޒާމެއް އޮންނާނީ މަދު ގައުމެއްގައި ކަމަށާއި ރާއްޖޭގެ އިންތިހާބީ ނިޒާމާއި މެދު ސުވާލު އުފައްދާނެ ޖާގައެއް ނެތް ކަމަށްވެސް ވިދާޅުވިއެވެ. ހަބީބު ވިދާޅުވީ ރާއްޖޭގައި ބާއްވާ ފެންވަރަށް އެމެރިކާގައި ވެސް އިންތިހާބެއް ނުބޭއްވޭ ކަމަށެވެ.
މިއަހަރު ބާއްވާ ރިޔާސީ އިންތިހާބުގައި ވާދަކުރާނެކަން މިހާތަނަށް ރަސްމީކޮށް 4 ޕާޓީއަކުން ވަނީ އިއުލާނުކޮށްފައެވެ. އިލެކްޝަން ކޮމިޝަނުން ބުނިގޮތުގައި އިންތިހާބަށް ކުރިމަތިލާން ހުޅުވާލާނީ ޖުލައި މަހުގެ 23 ވަނަ ދުވަހުއެވެ.
ރިޔާސީ އިންތިހާބު އޮންނާނީ 9 ސެޕްޓެމްބަރުގައެވެ. ދެ ވަނަ ބުރަކަށް ދާން ޖެހިއްޖެ ނަމަ، އެ އިންތިހާބު އޮންނާނީ 30 ސެޕްޓެމްބަރުގައެވެ.
ހަބީބު އެބުނީ އެމެރިކާގަ ވޯޓުން ވައްކަށް ނުކުރެވޭތީ ރާއްޖޭގަ ވޯޓުން ވައްކަށް ކުރެވޭތީ ރާއްޖެ އެގޮތުގަ ކުރީގަ އޮތްވާހަކަ.