ރައީސް ޞާލިޙާއެކު އެމްޑީޕީން މިއަދު ގަލޮޅުގައި ދޮރުން ދޮރުން ހަރަކާތެއް ކުރިއަށް ގެންދަނީ
ރިޔާސީ އިންތިޚާބު 2023 ގައި މޯލްޑިވިއަން ޑިމޮކްޓެރިކް ޕާޓީ (އެމްޑީޕީ)ގެ ރިޔާސީ ޓިކެޓުގައި ވާދަކުރައްވާ ރައީސް އިބްރާހިމް މުޙައްމަދު ޞާލިޙުގެ ކެމްޕޭނު ހަރަކާތުގައި ގަލޮޅުގެ ދޮރުން ދޮރަށް ހަރަކާތުގައި ރައީސް ޞާލިޙު ބައިވެރިވެވަޑައިގަންނަވާނެއެވެ.
އެމްޑީޕީން ބުނީ އެ ހަރަކާތް ފަށާނީ ބޮޑުރަސްގެފާނު މަގާއި ނިރޮޅު މަގު ގުޅޭ ހިސާބުން (ގ. ޕާޓްރާ ކަންމަތި) ކަމަށާއި ދޮރުން ދޮރަށް ހަރަކާތް ފެށޭނީ މިއަދު ހަވީރު 3:50 ގައި ކަމަށެވެ.
ގަލޮޅުގައި މީގެ ކުރިންވެސް ރައީސް ޞާލިޙުގެ ކެމްޕޭން ހަރަކާތުގެ ތެރެއިން ދޮރުން ދޮރަށް ހިނގުން ކުރިއަށް ގެންގޮސްފައިވެއެވެ. އެ ހަރަކާތްތަކުގައި ރައީސް ޞާލިޙަށޤ ތާއީދުކުރައްވާ ސަރުކާރުގެ އިސްވެރިން ބައިވެރިވެވަޑައިގެންފައިވާއިރު، މިއަދުގެ ހަރަކާތުގައި ރައީސް ޞާލިޙު ބައިވެރިވެވަޑައިގަންނަވާނެއެވެ.
ރައީސް ޞާލިޙުގެ ކެމްޕެއިން ހަރަކާތްތައް ރާއްޖޭގެ އެކި ހިސާބުތަކުގައި ކުރިއަށްދާއިރު، އެމަނިކުފާނު ވަނީ އެމްޑީޕީ ޕްރައިމަރީ އިންތިޚާބުގައި ރައީސް ނަޝީދާ ވާދަކުރައްވައި ކުރި ހޯއްދަވާފައެވެ.
