ޤުރުއާނުގެ ނޫރު ފޮހެލަން މަސައްކަތް ކުރިޔަސް، ކާމިޔާބެއް ނުވާނެ: ޝަހީމް
މި ބިންމަތިން، ކީރިތި ޤުރުއާނުގެ ނޫރު ފޮހެލަން މަސައްކަތް ކުރިޔަސް، އެކަން ކާމިޔާބު ނުވާނެ ކަމަށް ކުރީގެ އިސްލާމިކް މިނިސްޓަރު ޑރ.މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޝަހީމް މިހެން ވިދާޅުވީ އދ. ހިއުމަން ރައިޓްސް ކައުންސިލުގައި ޤުރުއާން އެންދުމާއި ގުޅިގެން ނެގި ވޯޓުގައި ނުވަ ޤައުމަކުން އެކަމަށް ތާއީދު ކުރުމުންނެވެ.
ޑރ.ޝަހީމް ވިދާޅުވީ ކީރިތި ޤުރުއާނުގެ ޤަދަރާއި، އިޙުތިރާމު ގެއްލޭގޮތަށް ކުރެވޭ ކަންކަމަކީ ކާމިޔާބުވާނެ ކަމެއް ނޫންކަމަށާއި، އެއީ މާތް ރަސްކަލާންގެ ރިސާލަތު ކަމަށެވެ. އަދި އެކަލާންގެ ޤުރުއާން ރައްކާތެރި ކުރައްވާނެ ކަމަށާއި މި ބިންމަތިން ޤުރުއާނުގެ ނޫރު ފޮހެލުމަށް މަސައްކަތް ކުރި ނަމަވެސް އެއީ ކާމިޔާބު ވާނެ މަސައްކަތެއް ނޫންކަމަށް ވެސް ވިދާޅުވިއެވެ.
ކީރިތި ޤުރުއާން އެންދުމަށް ތާއީދުކޮށް ވޯޓު ދިން ޤައުމުތަކަކީ އެމެރިކާ، އިނގިރޭސިވިލާތް، ބެލްޖިއަމް، ކޮސްޓަރިކާ، ޗެކްރިޕަބްލިކް، ފިންލޭންޑް، ފްރާންސް، ޖަރުމަން، ލިތުއޭނިއާ، ލަގްޒަމްބާގް، މޮންޓެނީގްރޯ އަދި ރޯމޭނިއާއެވެ.
ކީރިތި ޤުރުއާން އަންދައެއް ނުލެވޭނެ، ޤުރުއާނަކީ ﷲ ގެ ކަލާންފުޅު، ﷲ ގެ ކަލާންފުޅު އަލިފާނަކަށްވެސް އަންދާ ނުލެވޭނެ، ދުނިޔެ މަތީގައި އަންދާ ލެވޭނީ ކަރުދާސް މުސްހަފު !