ވެރިކަމަށް ވަޑައިގަންނަވާ ބޭފުޅެއްގެ ސިއްހީ ހާލުކޮޅު ރައްޔިތުންނަށް އެނގެން ޖެހޭ: ރައީސް ނަޝީދު
ރާއްޖޭގެ ވެރިކަމަށް ވަޑައިގަންނަވާ ބޭފުޅެއްގެ ސިއްޙީ ހާލުކޮޅު އާއްމު ދިވެހި ރައްޔިތުންނަށް އެނގެންޖެހޭ ކަމަށް ކުރީގެ ރައީސް, މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ, ޑިމޮކްރެޓްސްގެ ރިޔާސީ ކެމްޕެއިންގައި މިރޭ ތ. ކިނބިދޫގައި ބޭއްވި ޖަލްސާގައި ވާހަކަދައްކަވަމުންނެވެ.
ރައީސް ނަޝީދު ވިދާޅުވީ ވެރިކަމަށް ވަޑައިގަންނަވާ ބޭފުޅެއްގެ ސިއްހީ ހާލުކޮޅު ރައްޔިތުންނަށް އެނގިފައި އޮންނަންޖެހޭނެ ކަމަށް މީގެކުރިން ވެސް ބުނެފައިވާނެ ކަމަށާއި މި ވާހަކަ ދެއްކުމުން ބައެއް ފަރާތްތަކުން އެކަމާ ހިތްބަރު ކުރެއްވި ކަމަށެވެ.
ރައީސް ނަޝީދު ވަނީ މީގެ ކުރީ ދުވަހެއްގައި ރާއްޖޭގެ ރައީސުލްޖުމްހޫރިއްޔާއަކީ ހެނދުނު ހޭލައިގެން މުށެއް ފުރާ ބޭސް އަދި ހިތުގެ ބޮޑެތި އޮޕަރޭޝަންކޮށްފައި ހުރި މީހެއް ކަމަށް ވިދާޅުވެ, ރައީސްގެ ސިއްހީ ހާލުކޮޅާ ގުޅޭ ގޮތުން ވާހަކަފުޅު ދައްކަވާފައެވެ.
ރައީސް ނަޝީދު މިރޭ ވިދާޅުވީ ޑިމޮކްރެސީއެއްގައި ރައީސްގެ ހެލްތު ސެޓްފިކެޓް އެއީ އާންމު މައުލޫމާތަށް ވާންޖެހޭ ކަމަށާއި ރައީސްގެ އެއްވެސް ބައްޔެއް ހުންނަ ނަމަ އެއީ އާންމުކޮށް ރައްޔިތުންނަށް އެނގެންޖެހޭނެ ކަމެއް ކަމަށް ނަޝީދު ވިދާޅުވިއެވެ.
"އެ ކަންކަން ޑިމޮކްރެޓިކް މުޖުތަމައުއެއްގައި ހިނގަން ބަޔާންކޮށްފައި މި އޮންނަނީ މި ކަންކަމުގެ ސަބަބުން ރައްޔިތުންގެ ތަނަވަސްކަމާއި، ރައްޔިތުންގެ ދިރިއުޅުމަށާއި، ރައްޔިތުންގެ އާންމު ހާލަތަށް އަސަރު ކުރާތީވެ. އެއްވެސް ހާލެއްގައި އެއީ އެހެން މީހަކަށް ބަދު ބަހެއް ބުނުމަކަށް ނުވަތަ ދެރަ ގޮތެއް ވުމުގެ ކަމެއް ނޫން،" ނަޝީދު ވިދާޅުވިއެވެ.
ނަޝީދު ވަނީ ދަ ޑިމޮކްރެޓްސްގެ ރިޔާސީ ކެންޑިޑޭޓް، ހުޅުދޫ ދާއިރާގެ މެމްބަރު ހުޅުދޫ ދާއިރާގެ މެމްބަރު އިލްޔާސް ލަބީބުގެ ހެލްތު ސެޓްފިކެޓް އާންމު ކުރުމަށް ގޮވާލާފައެވެ.
ﷲތަޢާލާ ބައްޔަބަލިޖަސްސަވަނީ މިކަން ކަލެޔަށް ނޭގެނީ
މީހުންގެ ޒާތީ ދިރިއުޅުމާއި ބެހި މީހެއްގެ ހުންނަ އުނި ސިފަތަކަށް އައިބު ކިޔާ މީހުން ކިހިނެއް ރައްޔިތަކަށް ހެޔޮ ކަމެއް ކޮށްދެވޭނީ އެމީހަކު މާދަން ހުންނާނީ ކޮްނޙާލެއްގަ ކަން އެގެނީ ކާކަށް ހުރިހާކަމެއްވެސް އެންމެ މޮޅަށް ދެނިވޮޑިގެންވާ އެންމެ ބާރުގަދަ ފަރާތަކީ ﷲ އިންސާނެއްގެ ހުންނަ އުނިސިފަތަކަށް އައިބު ކިޔުމަކީ އެކަލާންގެ ޒާތުފުޅަށް އައިބު ބަސް ބުނުން އެންމެ ނުރުއްސަވާ ކަންތައް މިކަންކުރާމީހުންނަށް ހެޔޮ ވިސްނުން ދެއްވާށި
ހަސަދަ ވެރިވިޔަސް މިވަރު ބޮޑު.
ބަލަގަ ސެޓްފިކެޓަކުން އެމީހަކާ ދިމާވާނެ ހާލަތެއް ނޭގޭނެ. މިކަން އެންމެ ރަންގަޅަށް އެގިލައްވަންޖެހޭ ބޭފުޅަކީ ތިބޭފުޅާ. ނަމަވެސް ހިތާމަަަޔަކީ އިބްރަތެއް ނުލިބުނުތާ ހަމަ އަނދިރި މަގުން ދަތުރުކުރައްވާ މަންޒަރު ފެންނަކަން. ހެޔޮ ވިސްނުން މިންވަރު ކުރައްވާށި.