އުގެއިލްގެ ތާއީދު ރައީސް ޞާލިޙަށް

މި އަހަރު ބާއްވާ ރިޔާސީ އިންތިޚާބުގައި، އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހީމް މުޙައްމަދު ޞާލިޙަށް ތާއީދު ކުރައްވަން ޕްރޮފެސަރ ޙަސަން އުގެއިލް ނިންމަވައިފިއެވެ.

Ads by MWSC

އުގެއިލް ކުރެއްވި ޓްވީޓެއްގައި ވިދާޅުވީ ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރައްވާ ރައީސް ޞާލިޙާއި އެމަނިކުފާނުގެ ރަނިންމޭޓް، ހިތަދޫ އުތުރު ދާއިރާގެ މެމްބަރު މުޙައްމަދު އަސްލަމަށް މަރުހަބާ ދަންނަވާ ކަމަށެވެ. އަދި އެ ދެ ބޭފުޅުންނަށް ވެސް ކާމިޔާބީ އަށް އެދިވަޑައިގަންނަވާ ކަމަށް އުގެއިލް ވިދާޅުވިއެވެ.

އިންތިޚާބުގައި ވާދަކުރަން ރައީސް ޞާލިޙުގެ ފޯމް އީސީއަށް ހުށަހަޅާފައިވަނީ މިއަދު ހެނދުނުއެވެ. އެމަނިކުފާނުގެ ފޯމު އީސީއާ ހަވާލުކުރެއްވީ އިންތިޚާބީ އޭޖެންޓު އަދި ކެމްޕޭން މެނޭޖަރު ކިނބިދޫ ދާއިރާގެ މެންބަރު މުޙައްމަދު ނާޝިޒެވެ.