ހަތަރު ފަސް ދުވަހުގެ ތެރޭގައި، ބޮޑުފޮޅުދޫގެ ބިން ހިއްކަން ކޮންނަ ބޯޓު އަންނާނެ: ރައީސް ޞާލިޙު
ކުރިއަށް އޮތް ހަތަރު ފަސް ދުވަހުގެ ތެރޭގައި، އއ. ބޮޑުފޮޅުދޫގައި ބިން ހިއްކަން ކޮންނަ ބޯޓު އަންނާނެ ކަމަށް ރައީީސް އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
ރައީސް ޞާލިޙު މިފަދައިން ވިދާޅުވީ ބޮޑުފޮޅުދޫއަށް ވަޑައިގެން އެ ރަށުގެ ރައްޔިތުންނާއި ބައްދަލުކުރައްވައި ވާހަކަފުޅު ދައްކަވަމުންނެވެ.
ރައީސް މިކަން އިޢުލާނު ކުރައްވައި ވިދާޅުވީ، ރާއްޖެއަށް މިހާރު އަންނަމުންދަނީ، ބޮޑު އަދި ހެޔޮ ބަދަލެއް ކަމަށާއި، ރައްޔިތުން ފަހަތް ބަލައިގެން ނުވާނެ ކަމަށެވެ.
"ކުރިއަށް ވަޑައިގަންނަވާ، ނަތީޖާ ރަނގަޅުވާނެ. ރައްޔިތުން މި އެދޭ ހެޔޮ ބަދަލު، ބޮޑު ބަދަލު، ކުރިއަށް މި އޮތް ފަސް އަހަރުގެ ތެރޭގައި ރާއްޖޭގެ ހުރިހައި ރަށަކުން ފެންނާނެ."
ރައީސް ޞާލިޙު އިތުރަށް ވިދާޅުވީ، ކުރިއަށް އޮތް ރިޔާސީ އިންތިޚާބުގައި ބޮޑުފޮޅުދޫއިން އެމްޑީޕީއަށް ބޮޑުކޮށް ތާއީދު ލިބޭނެ ކަމަށް އުއްމީދު ކުރައްވާ ކަމަށެވެ.
އެމަނިކުފާނު އިތުރަށް ވިދާޅުވީ އެމްޑީޕީ އާއި އަދާލަތު ޕާޓީ އާއި އެމްޑީއޭގެ ކޯލިޝަނަކީ މިހާރު އޮތް އެންމެ ބޮޑު ކޯލިޝަން ކަމަށާއި، މިހާރު ވެސް އެ ކޯލިޝަނުގައި 80،000 މެމްބަރުން އެބަތިބި ކަމަށެވެ.
