ޝަރުޢީ ދާއިރާއަށް ރައްޔިތުންގެ އިތުބާރު ލިބިއްޖެ: ރައީސް
ޝަރުޢީ ދާއިރާއަށް ރައްޔިތުންގެ އިތުބާރު ލިބިފައިވާ ކަމަށް ރައީސް އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
ރައީސް ޞާލިޙު މިފަދައިން ވިދާޅުވެފައި ވަނީ، "އުފާވެރި އަމާން ރާއްޖެ" ރިޔާސީ ކެމްޕެއިނުގައި މިއަދު ރ.މީދޫގައި ވާހަކަފުޅު ދައްކަވަމުންނެވެ.
އެމަނިކުފާނު ވިދާޅުވީ، އެމްޑީޕީން ދެންވެސް އެންމެ ބޮޑު އިސްކަމެއް ދޭނީ އިންސާފު ގާއިމު ކުރަން ކަމަށާއި، ރައްޔިތުން މިހާރު ސުޕްރީމް ކޯޓަށް، ވަރަށް ބޮޑަށް އިތުބާރު ކުރާ ކަމަށެވެ.
"އަންހެން ފަނޑިޔާރުންގެ ދައުރު ފުރަތަމަ ފަހަރަށް މިވަނީ އިތުރު ކުރެވިފައި، ހާއްސަކޮށް ސުޕްރީމް ކޯޓުގެ ބެންޗަށް މިއަދު މިވަނީ އަންހެން ފަނޑިޔާރުން އަޅުގަނޑުމެންނަށް އައްޔަނު ކުރެވިފައި." ރައީސް ވިދާޅުވިއެވެ.
ސުޕްރީމް ކޯޓަށް އަންހެން ފަނޑިޔާރުން އަންޔަނު ކުރެވުމަކީ، އިންގިލާބީ ބަދަލެއްކަން ފާހަގަކުރައްވައި ރައީީސް ވިދާޅުވީ، އިންސާފުގެ ދާއިރާގެ މިނިވަންކަމަށް އެމްޑީޕީން އަބަދުވެސް އިސްކަންދޭނެ ކަމަށެވެ.
ރާއްޖޭގައި އަދުލު އިންސާފުގެ ކަންކަން އެންމެ ދައްކޮށް ގޮސްފައިވަނީ މި ދައުރުގައި. ދައުލަތުން ވައްކަން ކުރި މީހުން އެތިބީ ގޭގައި، އަނެއްބަޔަކު ވަނީ ރާއްޖެއިން ބޭރަށް ފޮނުވާލާފައި. އެންމެ ރުފިޔައެއްވެސް ނުހޯދުނު ކަމިސަނަކަށް އެތައްއަހަރަކު މުސާރަދިން.