މުޢިއްޒުގެ ވައުދެއް: އަންހެނުންނާއި ކުޑަކުދިންގެ ޚާއްސަ ހޮސްޕިޓަލެއް ޤާއިމްކުރާނަން
އަންހެނުންނާއި ކުޑަކުދިންގެ ޚާއްސަ ހޮސްޕިޓަލެއް ރާއްޖޭގައި ޤާއިމްކުރައްވާނެ ކަމަށް ޕީއެންސީގެ ކެނޑިޑޭޓު ޑރ މުޙައްމަދު މުއިއްޒު ވައުދުވެވަޑައިގެންފިއެވެ.
ރިޔާސީ އިންތިހާބުގެ ކެމްޕެއިނަށް ފުވައްމުލަކަށް ވަޑައިގެން ބޭއްވި ރޭ ބޭއްވި ޖަލްސާގައި ވާހަކަފުޅުދައްކަވަމުން މުއިއްޒު ވިދާޅުވީ މާބަނޑު އަންހެނުންނާއި ކުޑަކުދިންނަށް ދޭ ފަރުވާ ހަރުދަނާކުރުމަށް ރާއްޖޭގައި ވަރަށް ބައިވަރު ބޮޑެތި މަސައްކަތްތަކެއް ކުރަންޖެހިފައިވާ ކަމަށެވެ.
އެގޮތުން ބައިނަލްއަޤްވާމީ ފެންވަރުގެ ޚިދުމަތް ދޭ ޚާއްޞަ ހޮސްޕިޓަލެއް ޤާއިމުކުރާނެ ކަމަށާއި އެއީ މި ސަރަަހައްދުގައިވެސް ހުރި އެފަދަ އެންމެ ރަނގަޅު ހޮސްޕިޓަލަށްވާނެ ކަމަށް މުއިއްޒު ވިދާޅުވިއެވެ.
"މާބަނޑުމީހުންނާއި ކުޑަކުދިންނަށް އިންޓަރނޭޝަލް ފެންވަރުގައި އެންމެ ރަނގަޅު ޚިދްމަތްދެވޭ އަންހެނުންނާއި ކުޑަކުދިންގެ ޚާއްސަ ހޮސްޕިޓަލެއް ރާއްޖޭގައި ޤާއިމްކުރާނަން. އެ ހޮސްޕިޓަލަކީ މި ސަރަޙައްދުގައިވެސް އެންމެ ރަނގަޅު ފެންވަރުގައި ޚިދްމަތްދެވޭ ހޮސްޕިޓަލަށް ވެގެންދާނެ" މުއިއްޒު ވިދާޅުވިއެވެ.
މީގެ އިތުރުން އުނގެނުމާއި ރިސަރޗް ހެދުމާއި ޢިލްމީ ގޮތުން ކުރިއަށް ދިއުމާއި ތައުލީމީ ޖީލެއް ބިނާކުރުމަށް، ފުވައްމުލައް ސިޓީގައި ޒަމާނީ ފެންވަރުގެ ލައިބްރަރީއެއް ގާއިމްކޮށްދޭނެ ކަަމަށް ވެސް މުއިއްޒު ވަނީ ވައުދުވެވަޑައިގެންފައެެ.
