މުއިއްޒުއަށް މަޑަވެލިން ވެސް ހޫނު މަރުހަބާއެއް
ޕީޕީއެމް-ޕީއެންސީގެ ރިޔާސީ ކެންޑިޑޭޓް، ޑރ.މުހައްމަދު މުއިއްޒުއަށް ގދ.މަޑަވެލިން ވަރަށް ހޫނު މަރުހަބާއެއް ކިޔައިފިއެވެ.
މިއަދު މުއިއްޒު ދަތުރު ކުރައްވަމުން ގެންދަވަނީ ގދ.އަތޮޅުގެ ބައެއް ރަށްތަކަށެވެ. އެގޮތުން މިއަދު ގދ.ގައްދޫ، ގދ.ނަޑެއްލާ އަށް ވަޑައިގަތުމުން އެ ދެރަށުން ވެސް އެމަނިކުފާނަށް ވަނީ ވަރަށް ހޫނު މަރުހަބާއެއް ކިޔައިފައެވެ.
މުއިއްޒު އިއްޔެ ވަޑައިގެންފައިވަނީ ފުވައްމުލައް ސިޓީއަށެވެ. އެ ސިޓީގައި ރޭ ބޭއްވި ފޯރިގަދަ ޖަލްސާގައި ވަރަށް ގިނަ އަދަދެއްގެ މީހުން ބައިވެރިވިއެވެ. މި ޖަލްސާގައި މުހިންމު ގިނަ ވަޢުދުތަކެއް މުޢިއްޒު ވެވަޑައިގެންނެވިއެވެ.
އެކަނިވެރި މައިންނާ ބަފައިންނަށް ދަރިން ބެލެހެއްޓުމަށްދޭ އެލަވަންސް، 4 ކުދިންނާއި ހަމައަށް ކޮންމެ ކުއްޖަކަށްދޭ އެލަވަންސް 3000 ރުފިޔާއަށް ބޮޑުކޮށްދޭން ވައުދުވެވަޑައިގެންނެވިއެވެ.
މުއިއްޒުގެ މެނިފެސްޓޯގައި އެންމެ ބޮޑު އިސްކަމެއް ދެއްވައިފައިވަނީ ގެދޮރުވެރިކަމުގެ ސިޔާސަތަށެވެ.
Ads by STO
