ޕީޕީއެމް-ޕީއެންސީގެ މައްޗަންގޮޅީ ދެކުނު ޖަގަހަ މިރޭ ހުޅުވަނީ
ޕީޕީއެމް-ޕީއެންސީގެ ރިޔާސީ ކެމްޕެއިނަށް އިތުރު ޖަގަހައެއް މިރޭ ހުޅުވާގޮތަށް ހަމަޖެހިއްޖެއެވެ.
އެ ކޯލިޝަނުން ބުނީ، މައްޗަންގޮޅީ ދެކުނު ޖަގަހަ، މިރޭ ހުޅުވުމަށް ހަމަޖެހިފައިވާ ކަމަށެވެ. މި ޖަގަހަ ހުންނަނީ، މައްޗަންގޮޅި ސަހަރާ ކަންމަތި، (ޕީޓްރަލް ކުރިމަތީ)ގައެވެ. ޕީޕީއެމުން ބުނި ގޮތުގައި، މިރޭ ޖަގަހަ ހުޅުވައިދެއްވާނީ މުއިއްޒުގެ ރަނިންމޭޓް، ޙުސައިން މުޙައްމަދު ލަތީފު(ސެމްބެ)އެވެ.
އިދިކޮޅުގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު ރ.އަތޮޅުގެ ބައެއް ރަށްތަކަށް ދަތުރުފުޅު ކުރައްވަމުން އެބަ ގެންދަވައެވެ.
ބޯ ވާރޭގައި ވެސް އެމަނިކުފާނަށް ރަށްތަކުން ކިޔަމުން އަންނަނީ ވަރަށް ހޫނު މަރުހަބާއެކެވެ. މުއިއްޒުގެ ރިޔާސީ ކެމްޕެއިނުގައި މިއަދު ރ.އަލިފުށި، މަޑުއްވަރި، މީދޫ، އުނގޫފާރު، އަދި ދުވާފަރަށް ވަޑައިގަންނަވާނެއެވެ.
އަދި މިރޭ ދުވާފަރުގައި ކެމްޕެއިން ޖަލްސާއެއް ވެސް އޮންނާނެއެވެ.
