ފުލުހުންގެ ވޯޓުލުމުގެ ޙައްޤަށް ހުރަހެއް ނެތް: ފުލުހުން
ރިޔާސީ އިންތިޚާބުގައި ހުރިހައި ފުލުހުންނަށް ވޯޓު ނުލެވޭނެ ގޮތަށް، އެ ފުލުހުން ވޯޓުލާން ރަޖިސްޓްރީ ވެފައިވާ ރަށް ނޫން، އެހެން ރަށްތަކަށް ފޮނުވަން އުޅޭ ކަމަށް ބުނެ ފެތުރީ ދޮގެއް ކަމަށް މޯލްޑިވްްސް ޕޮލިސް ސަރވިސްއިން ވިދާޅުވެއްޖެއެވެ.
އިދިކޮޅުގެ ގެ ރިޔާސީ ކެންޑިޑޭޓް ޑރ. މުޙައްމަދު މުޢިއްޒުގެ ކެމްޕެއިން ތަރުޖަމާނު މުޙައްމަދު ޠަލާލް އިއްޔެ ވިދާޅުވީ، ފުލުހުންނާއި ސިފައިން، އެމީހުން ވޯޓުލާން ރަޖިސްޓްރީކޮށްފައިވާ ތަން ނޫން އެހެން ތަކަށް ޑިއުޓީއޭ ކިޔައި ފޮނުވައި އެމީހުންނަށް ވޯޓުލުމުގެ ޙައްޤު ގެއްލުވާލަން ސަރުކާރުން މަސައްކަތްކުރާ ކަމަށެވެ.
އެކަމާ ގުޅިގެން ފުލުހުން މިއަދު ވިދާޅުވީ ރިޔާސީ އިންތިހާބާ ގުޅިގެން ފުލުހުން ކުރިއަށް ގެންދާ ސެކިއުރިޓީ އޮޕަރޭޝަންގައި ފުލުހުން އެކި ރަށްރަށަށް ފޮނުވުމުގެ ސަބަބުން، އިންތިޚާބުގައި ވޯޓު ލުމުގެ ޙައްޤު ގެއްލިގެންދާކަމަށް ބުނެ ފަތުރަމުންދާ ވާހަކައަކީ އެއްވެސް ހަޤީޤަތެއް އެކުލެވިގެންވާ ވާހަކައެއް ނޫން ކަމަށެވެ.
ފުލުހުން ވަނީ ވޯޓާ ގުޅޭ، އޮޕަރޭޝަނަކީ ވަކިވަކި ފުލުހުން ދާންޖެހޭ ތަންތަން ދުރާލާ ކަނޑައެޅި، އެ ރަށްތަކަށްދާ ފުލުހުން އެ ރަށަކަށް ރީ ރަޖިސްޓްރީކުރެވިގެން ފުރިހަމަ އިންތިޒާމުތަކެއްގެ ތެރެއިން ހިންގާ އޮޕަރޭޝަނެއް ކަމަށެވެ.
Ads by STO
