ތަރައްގީއަށްވުރެ ޤައުމުގެ އަމިއްލަވަންތަކަން މާ މުހިއްމު: މުއިއްޒު
ތަރައްގީއަށްވުރެ ދިވެހިންގެ އަމިއްލަވަންތަކަން މާ މުހިއްމު ކަމަށް އިދިކޮޅު ޕީޕީއެމް/ޕީއެންސީގެ ކެންޑިޑޭޓު ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް އދ. މާމިގިއްޔަށް ވަޑައިގެން ބޭއްވި ޖަލްސާއެއްގައި ވާހަކަފުޅުދައްކަވަމުން މުޢިއްޒު ވިދާޅުވީ ތަރައްގީއަށްވުރެ މިގައުމުގެ އަމިއްލަވަންތަކަމާއި، ދިވެހި ގައުމުގެ ގޮތުގައި އޮންނަ އޮތުމާ މެދު އޮތް ސީރިއަސް މައްސަލަ މާ މުހިންމު ކަމަށެވެ.
"އެހެންވީމާ މިހާރުގެ ހާރިޖީ ސިޔާސަތު ބައްޓަންވެފައި އޮތްގޮތުން އަޅުގަނޑުމެންގެ މިނިވަންކަމަކީ މިތިބަ ތުއްތު ކުދިންގެ މުސްތަގުބަލުގެ އުޖާލާކަން އެއްކޮށް ބަނަވެގެންދާ ހިސާބުގައި އޮތް ކަމެކޭ،" މުއިއްޒު ވިދާޅުވިއެވެ.
މާމިގިއްޔަށް ވެވަޑައިގެންނެވި ވައުދުތަކުގެ ތެރޭގައި ޕޯޓުގެ ހިދުމަތް އަލުން ފެށުން, ރަނގަޅު ފެންވަރުގެ ހޮސްޕިޓަލެއް ގާއިމުކޮށްދިނުން،, ބޭންކުގެ ބުރާންޗެއްް ގާއިމު ކުރުން، އެމްއެންޔޫ ނުވަތަ އިސްލާމިކް ޔުނިވާސިޓީގެ ކެމްޕަހެއް ގާއިމު ކުރުން އަދި ސްޕޯޓްސް ފެސިލިޓީއެއް ގާއިމު ކުރުން ހިމެނެއެވެ.
