ސަމާލުވެލައްވާ! ގުރުއާނުގެ ބައެއް ޗާޕު ތަކުގައި އައުރާފް ސޫރަތުގެ 137 ވަނަ އާޔަތުގައި ކުށެއް
ޤުރުއާންގެ ބައެއް ޗާޕުތަކުގައި އަލްއައުރާފް ސޫރަތުގެ 137 ވަނަ އާޔަތުގައި ކުށެއް އެބައޮތް ކަމަށް ޝައިޚް އަލީ ޒައިދު ބުނެފިއެވެ.
ޝައިޚް އަލީ ޒައިދު ވަނީ އެ ކުށް ހިމެނޭ މުސްހަފުގެ އައުރާފް ސޫރަތުގެ 37 ވަނަ އާޔަތް ދައްކުވައިދޭ ފޮޓޯ އެއް މީސް މީޑިއާގައި ހިއްސާ ކޮށްފައެވެ. އަދި އެއާއެކު ފޯނުގެ ގުރުއާން އެޕްލިކޭޝަނުން ވެސް ޝެއިހް ވަނީ ސްކްރީންޝޮޓެއް ހިއްސާ ކޮށްފައެވެ.
މި ދެ ފޮޓޯ ހިއްސާކޮށް ކުށް ފާހަގަ ކުރައްވާ އެއީ "ޓައިޕިންގ މިސްޓޭކް" އެއްގެ ގޮތުގައި ޝެއިހް ލިޔުއްވާފައިވެއެވެ. އެގޮތުން ޝެއިހް ފާހަގަ ކޮށްފައިވަނީ "ރައްބަކަ" މި ކަލިމައެވެ. ޝައިޚް ވިދާޅުވެފައިވާ ގޮތުގައި އެއާޔަތުގައި ރަނގަޅު ގޮތަކީ "ރައްބިކަ" އެވެ.
ގުރުއާނުގެ ބައެއް ޗާޕުތަކުގައި މަދުން ނަމަވެސް މިފަދަ ޓައިޕިންގް މައްސަލަތައް ހުންނަ ފަހަރު އާދެއެވެ. ވީމާ ހުރިހާ ބޭފުޅުންވެސް މިކަމަށް ސަމާލުވުމަށް ޝެއިހް ވަނީ އެދިފައެވެ. މި ކުށް ފެނިފައިވަނީ ޤުރުއާނުގެ ކޮން ޗާޕަކުން ކަމެއް އެނގިފައެއް ނުވެއެވެ.
މުޞްޙަފު ލިޔަނީ އަތުން ކަމަށްވާތީ، ކިޔާނީ ލިޔުމުގެ ކުށެކޭ. ޚަބަރެއްގެ ގޮތުގައި ގެނެސްދީފައިވާއިރު މުޞްޙަފު ލިޔެފައިވާ ތާރީޚު ނުވަތަ ޗާޕުނަންބަރެއްވާނަމަ އެވެސް ހިމަނާފައިވުމަކީ އެދެވިގެންވާކަމެއްކަމަށް ދެކެން.