ގިނަ ބަޔަކު ޕީޕީއެމް/ޕީއެންސީއާއި ގުޅިއްޖެ

ގިނަ އަދަދެއްގެ ބަޔަކު ރޭ އިދިކޮޅު ޕީޕީއެމް/ޕީއެންސީއާއި ގުޅިއްޖެއެވެ.

Ads by MWSC

އާޓިފިޝަލް ބީޗުގައި ކުރިއަށް ދިޔަ ޑރ.މުއިއްޒުގެ ކެމްޕެއިން ޖަލްސާގައި އަލަށް ޕާޓީއާއި ގުޅުނު ފަރާތްތަކުން ވަނީ މެމްބަރޝިޕް ފޯމު، ޕީއެންސީގެ ރިޔާސީ ކެންޑިޑޭޓް، ޑރ.މުހައްމަދު މުއިއްޒުއަށް އަރުވައިފައެވެ.

ރޭ އަލަށް އިދިކޮޅާ ގުޅުނު ފަރާތްތަކުގެ ތެރޭގައި ބައެއް ވިޔަފާރިވެރިންނާއި ކުޅިވަރު ޝަހުސިއްޔަތުތައް ހިމެނެއެވެ.

އަދި އެމްޑީޕީގެ ކޯލިޝަން ސަރުކާރުގައި ހިމެނޭ ޖޔމްހޫރީ ޕާޓީގެ ބައެއް މެމްބަރުން ވެސް ހިމެނެއެވެ.

މި މަހުގެ ނުވަ ވަނަ ދުވަހު ބޭއްވި ރިޔާސީ އިންތިޚާބުގައި މުއިއްޒު ވަނީ 47 އިންސައްތަ ވޯޓު ހޯއްދަވައިއެވެ. އެމަނިކުފާނަށް ލައްކައަކަށްވުރެ ގިނަ ވޯޓު ލިބިވަޑައިގެންނެވިއެވެ.

ރިޔާސީ ކެމްޕެއިނުގައި، މިއަދު މުއިއްޒު ބޮޑުތިލަދުންމައްޗަށް ވަޑައިގަންނަވާނެއެވެ.