މިހާތަނަށް 25,493 މީހުން ރީ-ރަޖިސްޓްރީ ކުރަން ފޯމު ހުށަހަޅައިފި

ރިޔާސީ އިންތިހާބުގެ ދެވަނަ ބުރަށް 25,493 މީހުން ރީ-ރަޖިސްޓަރީ ކުރަން ހުށަހަޅައިފައިވާ ކަމަށް އިލެކްޝަން ކޮމިޝަނުން ހާމަކޮށްފިއެވެ.

Ads by Hajj Corporation

އިލެކްޝަންސް ކޮމިޝަނުން ވިދާޅުވީ ރިޔާސީ އިންތިހާބު 2023 ގެ ދެވަނަބުރުގެ ރީ-ރެޖިސްޓްރޭޝަން، ފުރަތަމަ ދުވަހު 9206 މީހުން ރީ-ރަޖިސްޓަރީ ކުރަން ފޯމު ހުށަހަޅާފައިވާ ކަމަށެވެ. އަދި ދެވަނަ ދުވަހު 16287 ރީ-ރަޖިސްޓަރީ ކުރަން ފޯމު ހުށަހަޅާފައިވާ ކަމަށާއި މިހާތަނަށް ޖުމްލަ 25493 ރީ-ރަޖިސްޓަރީ ކުރަން ހުށަހަޅާފައިވާ ކަމަށް އިލެކްޝާނުން ވިދާޅުވިއެވެ.

އީސީން ވިދާޅުވީ އޮންލައިންކޮށް ފުރަތަމަ ދުވަހު 7267 މީހުން, ދެވަނަ ދުވަހު 11082  މީހުންނާއެކު އޮންލައިންކޮށް ރީ-ރަޖިސްޓްރީ ކުރަން ޖުމްލަ 18349 ހުށަހަޅާފައިވާ ކަމަށެވެ.

އަދި މިހާތަނަށް، ދެވަނަބުރުގައި، 10271 މީހުން ރީ-ރަޖިސްޓަރީ ކޮށްދީފައިވާ ކަމަށާއި ރީ-ރަޖިސްޓަރީ ކުރަން، ދެވަނަބުރުގައި ހުށަހެޅި ފޯމުތަކުން، އެކިއެކި ސަބަބުތަކާ ހުރެ، މިހާތަނަށް 1546 ފޯމު ރިޖެކްޓް ވެފައިވާ ކަމަށް ވެސް އީސީން ބުންޏެވެ.

"ފޯމުތައް ރިޖެކްޓް ވަނީ، ހުށަހަޅަންޖެހޭ ހުރިހާ މަޢުލޫމާތު ފުރިހަމަ ނުވާތީ. އޮންލައިންކޮށް ހުށަހަޅާފައިވާ ފޯމުތަކުން، ޕެންޑިންގ ކަމަށް ދައްކަނީ، އެ ފޯމުތަކުގެ ވެރިފިކޭޝަން މަރުޙަލާ މުޅިން ނުނިމޭތީ. ފޯމުތަކުގެ ސައްހަކަން ކަށަވަރުވިހާ އަވަހަކަށް، ރީ-ރަޖިސްޓަރީ ކުރެވުނުކަމުގެ މެސެޖް ލިބޭނެ" އީސީން ވިދާޅުވިއެވެ.

އަދި މިއަދުގެ ހަވީރު 4:00 ގެ ކުރިން، ރީ-ރަޖިސްޓަރީ ކުރަން ހުށަނާޅައިފިނަމަ، ރިޔާސީ އިންތިހާބު 2023 ގައި، ދެން އެފުރުސަތު ލިބުމަކީ ނާދިރުކަމެއް ކަމަށާއި އެމީހަކު ވޯޓުލާން ރަޖިސްޓަރީ ވެފައިވަނީ ކޮންތަކަށްތޯ މިހާރުން މިހާރަށްވެސް، ބެލުމަކީ ވަރަށް މުހިންމު ކަމެއް ކަމަށް އީސީން ވިދާޅުވިއެވެ.