ދެވަނަ ބުރުގައި އެއްވެސް ކެންޑިޑޭޓަކަށް ތާއީދު ނުކުރަން ފާރިސް ނިންމައިފި
މި މަހުގެ 30 ގައި ބާއްވާ ރިޔާސީ އިންތިހާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދު ނުކުރުމަށް އަމިއްލަ ގޮތުން އިންތިހާބުގައި ވާދަކުރެއްވި އަހުމަދު ފާރިސް މައުމޫން ނިންމަވައިފިއެވެ.
މިއަދު ބޭއްވެވި ނޫސްވެރިންގެ ބައްދަލުވުމެއްގައި ފާރިސް ވިދާޅުވީ ދެ ޕާޓީއާ އެކު ވެސް ރަނގަޅު މަޝްވަރާތަކެއް ކުރިއަށް ގެންދެވުނު ނަމަވެސް، ވަކި ކޮޅަކަށް ތާއީދު ނުކުރައްވަން ނިންމެވީ ގައުމަށް ގެންނަން ޖެހޭ އިސްލާހުތަކަކީ މުޅި ސިސްޓަމަށް ގެންނަން ޖެހޭ އިސްލާހުތަކެއް ކަމަށް ވުމާއެކު އެފަދަ ބަދަލެއް ގެންނަން ބޮޑު ޕާޓީއަކުން ނުކުންނަ ކެންޑިޑޭޓަކަށް ދަތިވާނެތީ ކަމަށެވެ.
އަދި ޕާޓީތަކުގެ ކަންކަން ހިނގަމުންދާ ގޮތުން، އަދި ޕާޓީތަކަށް ފަންޑު ކުރަމުންދާ ގޮތުން ޕާޓީގެ މަސްލަހަތު އިސްކުރަން ޖެހޭ ކަމަށާއި އެކަހަލަ ޕާޓީއެއްގެ ތެރެއިން އެކަށީގެންވާ ގޮތެއްގައި ގައުމަށް ބޭނުންވާ އިސްލާހީ މަސަައްކަތްތައް ކުރިއަށް ގެންދެވޭނެ ކަމަކަށް ނުފެންނަ ކަމަށް ފާޜިސް ވިދާޅުވިއެވެ.
ރިޔާސީ އިންތިހާބުގެ ދެވަނަ ބުރުގައި އެމްޑީޕީއާއި، ޕީއެންސީ/ޕީޕީއެމްއާއެކު ކޯލިޝަން ހެދުމަށް 11 ޝަރުތެއް ފާރިސް ވަނީ ހުށަހާޅާފައެވެ.
ފާރިސް ހުށަހަޅުއްވާފައިވާ ޝަރުތުތަކުގެ ތެރޭގައި ހިމެނެނީ ރާއްޖޭގައި އިސްލާމް ދީން ނޫން އެހެން ދީނަކަށް ފުރުސަތު ނުދިނުމާއި، އެއްވެސް ގައުމެއްގެ ސިފައިން ތިބި ނަމަ އެކަމެއް ހާމަ ކުރުމާއި، އުތުރުތިލަފަޅާއި، އައްޑޫ އަދި ހަނިމާދޫ އެއާޕޯޓުގެ އެއްބަސްވުމާއި، ޕޮލިސް އެކަޑެމީގެ އެއްބަސްވުން މަޖިލީހަށް ހާމަ ކުރުން ހިމެނެއެވެ.
އަދި ޗާގޯސް މައްސަލާގައި ސްޓޭންޑު ބަދަލުކޮށް، އިޓްލޮސްގެ ނިންމުން މުރާޖައާ ކުރުމާއި، ރިޔާސީ ނިޒާމު ނޫން ނިޒާމަކަށް ތާއީދު ނުކުރުމާއި، ދިގު ރާސްތާގެ ގައުމީ ތަރައްގީގެ ޕްލޭނެއް އެކުލަވާލާ، ރައްޔިތުންގެ ރިފަރެންޑަމްއަކުން ފާސް ކުރުމާއި، މަޖިލީހުގެ މެންބަރުންގެ އަދަދު މަދުކޮށް، މުސާރަ ކުޑަކޮށް، މެންބަރުން ވަކި ކުރެވޭ ގޮތަށް ހެދުން ވެސް ޝަރުތުތަކުގެ ތެރޭގައި ހިމެނެއެވެ.
މީގެ އިތުރުން މަޖިލީހުގައި އަންހެން މެންބަރުން ހާއްސަ ކޯޓައެއް ހަމަޖެއްސުމާއި، ޖޭއެސްސީ އިސްލާހު ކުރުމާއި، ޖިނާއީ އަދުލުގެ ނިޒާމު ސިޔާސީ ނުފޫޒުން އެއްފަރާތް ކުރުމާއި، ސިވިލް ސާވިސް އޮނިގަނޑު އިސްލާހު ކުރުމާއި، ސިޔާސީ މަގާމުތައް މަދު ކުރުމާއި، ރިޔާސީ އިންތިހާބަށް ހަމަހަށް ވުމުން މަޝްރޫއުތައް ނުފެށޭ ގޮތަށް ބަދަލު ކުރުމާއި، ސަލާމަތީ ހިދުމަތްތައް ސިޔާސީ ނުފޫޒުން އެއްފަރާތް ކުރުމުގެ އިތުރުން ގެއްލިފައިވާ މީހުންނާއި މަރާލާފައިވާ މީހުންނާއި ގޮތް ނޭނގޭ މަރުތައް ބަލައި އާއިލާތަކަށް 100 ދުވަހުގެ ތެރޭގައި އިންސާފު ހޯދާ ދިނުން ހިމެނެއެވެ.
ފާރިސް ވިދާޅުވީ އެހުށައެޅުއްވުންތަކަށް ޕީޕީއެމް/ޕީއެންސީން ޖަވާބެއް ނުދެއްވާ ކަމަށެވެ. ނަމަވެސް އެމްޑީޕީން ޖަވާބު ދެއްވި ކަމަށާއި އެއީ ފާރިސް އެދޭގޮތަށް ޤަބޫލުކޮށްފައިވާ ކަންކަން ނޫންކަމަށް ވިދާޅުވެފައިވެއެވެ.
ތިދެން މިއިންތިޚާބު ބޭއްވުމުގެ ބޭނުންވެސް ނެތުނީ.ތިހެން ނަހައްދަވާ ދޮންބޭ!